Nur-Sultanda qurylys nysandarynyń biri karantinge jabyldy, dep habarlaidy Nur-Sultan qalasy ákimdiginiń baspasóz qyzmeti.
Skrining barysynda qurylys kompaniiasynyń injenerinen koronavirýs anyqtalǵan. Algoritmge sáikes, qurylys kompaniiasynyń 600-den astam qyzmetkeri synaqtan ótip, 63 adamda koranavirýs rastalǵan. Olardyń bári qazir statsionarda. Ákimdik barlyq aýmaq dezinfektsiialanǵanyn jariialady.
«21 mamyrdaǵy jaǵdai boiynsha Nur-Sultanda 10 nysan karantinde. Nur-Sultanda barlyǵy 1 403 koroonavirýs jaǵdaiy tirkelip, 633 naýqas emdelip shyqty. Ákimdiktiń mobildi toby politseilermen jáne epidemiologtarmen birlesip kúndelikti negizde nysandardyń sanitarlyq normalardy saqtaýy boiynsha reid júrgizedi. Sanitarlyq normalardy buzǵany úshin elordada 25 nysan jabyldy. Olardyń ishinde qurylys kompaniialary, dúkender, kafeler, meiramhanalar bar. Qatań sanitarlyq-epidemiologiialyq normalardyń saqtalýyn qamtamasyz etpeiinshe nysandar ashylmaidy. 150 kásiporyn eskertý aldy. Qatań erejeler koronavirýstyń taralýyna jol bermeý maqsatynda qabyldandy», - delingen habarlamada.
