Taldyqorǵan qalasynda «Nur-Avitseným» meditsinalyq ortalyǵynyń 25 jyldyǵyna orai «Qant diabeti: álemdegi, Qazaqstandaǵy, óńirdegi ahýal» atty ǵylymi-praktikalyq konferentsiia ótti. Bul týraly Almaty oblysy ákimdiginiń resmi saity habarlady.
Dál osy ortalyqtyń bazasynda biylǵy jyly S. Asfendiiarov atyndaǵy Qazaq memlekettik meditsinalyq ýniversitetimen birlesip, «Diabet ortalyǵy» ashylǵan bolatyn.
Konferentsiiada oblystyq densaýlyq saqtaý basqarmasynyń basshysy Ashan Baidývaliev moderator boldy. Óz sózinde A.Baidývaliev «Nur Avitseným» meditsinalyq ortalyǵy qurylǵannan beri 25 jyl ótkenin, bul aitýly data Táýelsizdiktiń 25 jyldyq mereitoiymen tuspa-tus kelip otyrǵanyn atap ótti. Onyń aitýynsha, oblysta 163 jekemenshik meditsinalyq uiymdar jumys istese, sonyń 30-y respýblikalyq jáne jergilikti biýdjetten qarjylandyrylady. Bul baǵytta memlekettik-jekemenshik seriktestik negizinde oblystyq biýdjetten olarǵa 2,7 mlrd. teńge bólindi. Atap aitqanda, «Nur-Avitsenýmǵa» 500 mlrd. teńgeden astam qarjy bólingen. Mundai qoldaý menshik túrine qaramastan emdeý mekemelerin turǵyndardyń óz qalaýymen tańdaýyna múmkindik berý maqsatymen jasalyp otyr.
A. Baidývaliev konferentsiia jumysynyń asa ózekti máselelerdiń biri – diabetti emdeý men aldyn alý taqyrybyna arnalyp otyrǵanyn da atap ótti.
Saltanatty jiynnyń sońynda Dúniejúzilik densaýlyq saqtaý uiymynyń aimaqtyq biýrosynyń direktory, professor Maqsut Quljanov, QR Meditsinalyq qyzmetke aqy tóleý komiteti departamentiniń direktory Maqsut Qalajanov jáne basqa da azamattar mereili dataǵa bailanysty quttyqtaý tilekterin jetkizdi.
Konferentsiianyń plenarlyq bóligin professor, Qazaq taǵamtaný akademiiasynyń vitse-prezidenti, QR Memlekettik syilyǵynyń laýreaty Iýrii Siniakovskii baiandamasymen bastady. Munan keiin qazirgi zamanǵy ǵylymi-meditsinalyq qaýymdastyqtyń jetekshi ókilderi negizgi taqyrypqa bailanysty baiandamalar oqydy. Olardyń arasynda Gissen qalasyndaǵy german ýniversitetiniń professory Genrih Laýben de bar. Jiyn sońynda pikirtalas órbidi.
Basqosý qorytyndysynda meditsinalyq ortalyqtyń úzdik mamandaryna oblys ákiminiń alǵys hattary men qurmet gramotalary tabystaldy.
Jalpy, «Nur-Avitseným» meditsinalyq ortalyǵy» memlekettik emes mekemesi 1991 jyly qurylǵan. Ortalyq qyzmeti turǵyndardyń densaýlyǵyn saýyqtyrýǵa, ómir sapasyn jaqsartýǵa, ólim men múgedektik sanyn azaitýǵa, ómir súrý uzaqtyǵyna yqpal etýge baǵyttalǵan. Ortalyq quramynda: bir aýysymda 250 adam qabyldaityn konsýltativti-diagnostikalyq emhana, 75 orynǵa arnalǵan statsionar, 6 tósektik kardioreanimatsiialyq blok, dializdik ortalyǵy bar ekstrokorporaldyq ortalyq, 4500 eresek adamǵa arnalǵan dárigerlik aimaqtyq ýchaske, 10 tósektik kúndizgi statsionar bar. Shtatta – 122 qyzmetker bar, onyń 40-y – dáriger. Direktory – joǵary sanatty kardiolog, meditsina ǵylymdarynyń kandidaty, táýelsiz meditsinalyq ekspert Vladimir Kraisman.
