Reseidiń Novosibirski qalasynda sársenbi, 28 tamyzda tańerteń bir qabatty ǵimarattyń qabyrǵasy qulady, dep habarlady Azattyqtyń Orys qyzmetiniń "Sibir.Realii" saity.
Reseidiń tergeý komitetiniń dereginshe, keminde eki adam qaza tapqan. Úiindi astynda 11 adam qalǵan bolýy múmkin dep habarlaidy "Interfaks" agenttigi. Qupiia derekkózge súiengen agenttik bir adamnyń qutqarylǵanyn, onyń kóp jaraqat alǵanyn jazdy.
Tótenshe jaǵdai ministrliginiń aimaqtyq bólimshesi qaita jóndeýden ótip jatqan ǵimarat qabyrǵasynyń qulaǵanyn rastady. Úiindi astynda qalǵan adamdardy qutqarý maqsatynda oqiǵa ornynda qutqarýshylar men dárigerler jumys istep jatyr.
Qabyrǵanyń neden qulaǵany ázirge belgisiz. Qurylys jumystaryn júrgizý kezinde qaýipsizdik erejelerin buzý baby boiynsha qylmystyq is qozǵalǵan.
