رەسەيدٸڭ نوۆوسيبيرسكٸ قالاسىندا سەرسەنبٸ, 28 تامىزدا تاڭەرتەڭ بٸر قاباتتى عيماراتتىڭ قابىرعاسى قۇلادى, دەپ حابارلادى ازاتتىقتىڭ ورىس قىزمەتٸنٸڭ "سيبير.رەاليي" سايتى.
رەسەيدٸڭ تەرگەۋ كوميتەتٸنٸڭ دەرەگٸنشە, كەمٸندە ەكٸ ادام قازا تاپقان. ٷيٸندٸ استىندا 11 ادام قالعان بولۋى مٷمكٸن دەپ حابارلايدى "ينتەرفاكس" اگەنتتٸگٸ. قۇپييا دەرەككٶزگە سٷيەنگەن اگەنتتٸك بٸر ادامنىڭ قۇتقارىلعانىن, ونىڭ كٶپ جاراقات العانىن جازدى.
تٶتەنشە جاعداي مينيسترلٸگٸنٸڭ ايماقتىق بٶلٸمشەسٸ قايتا جٶندەۋدەن ٶتٸپ جاتقان عيمارات قابىرعاسىنىڭ قۇلاعانىن راستادى. ٷيٸندٸ استىندا قالعان ادامداردى قۇتقارۋ ماقساتىندا وقيعا ورنىندا قۇتقارۋشىلار مەن دەرٸگەرلەر جۇمىس ٸستەپ جاتىر.
قابىرعانىڭ نەدەن قۇلاعانى ەزٸرگە بەلگٸسٸز. قۇرىلىس جۇمىستارىن جٷرگٸزۋ كەزٸندە قاۋٸپسٸزدٸك ەرەجەلەرٸن بۇزۋ بابى بويىنشا قىلمىستىق ٸس قوزعالعان.
