Norvegiialyq dárigerler koronavirýspen kúresip jatqan italiialyq áriptesterine kómektesý úshin Italiiaǵa attanady, dep habarlaidy "Ult aqparat".
Norvegiianyń densaýlyq saqtaý ministri Bent Hoieniń aitýynsha, qazirgi tańda Italiianyń soltústigindegi Lombardiia aimaǵynda meditsinalyq qyzmetkerler óte tapshy.
«Biz Norvegiiadaǵy jaǵdaidy baqylaýda ustap otyrmyz. Al Italiiada koronavirýs keń tarap, órship ketti. Sondyqtan dál qazir úlken qiyndyqqa tap bolǵan elge qol ushyn sozýymyz kerek»,- dep túsindirdi ol Norvegiia úkimetiniń sheshimin.
Norvegiiadan Italiiaǵa attanatyn 25 adamnan turatyn delegatsiia quramynda medbikeler, dárigerler jáne meditsinalyq logistika mamandary bolady. Olar Apennin túbeginde 4 apta boiy qyzmet etedi.
«Eýropadaǵy yntymaqtastyq pen niettestik – bos sóz emes. Qazir biz ony is júzinde kórsetip otyrmyz. Biz Italiiaǵa jiberip otyrǵan dál osyndai meditsinalyq komanda ótken jyly ebola aýrýy araǵanda Kongo Respýblikasynda jáne qyzylsha órshigende Samoda kóp kómektesti. Bizdiń usynysymyzdy italiialyqtar qýana qoldady», - deidi Norvegiianyń syrtqy ister ministri Ine Soreide.
