Norvegiia úkimeti 29 qańtar, jumadan bastap shekarany jabý týraly sheshim qabyldady, elden tek asa mańyzdy sebeppen ǵana shyǵýǵa bolady. Bul týraly sársenbi kúni Norvegiianyń telegraf biýrosy málimdedi, dep habarlaidy TASS agenttigi.
«Tájiribe júzinde shekara Norvegiiada turmaityndardyń barlyǵyna jabyq bolady», - dep málimdedi eldiń premer-ministri Erna Sýlberg.
Onyń aitýynsha, óte mańyzdy taýarlar men qyzmetter burynǵysha Norvegiiaǵa jetkizilip otyrady, biraq jańa ereje boiynsha, «kóptegen eńbek migranttary kelesi aptada elge kele almaidy». Bul ereje eki aptadan keiin qaita qaralady.
Norvegiiada koronavirýs juqtyrǵandar sany táýligine 279 adamǵa artyp, 61 594-ke jetti. Bul týraly sársenbi Norvegiianyń densaýlyq saqtaý institýty habarlady. Pandemiia kezinde infektsiiadan elde 550 naýqas qaitys boldy. 3 mln-nan asa adam koronavirýstyń bar-joǵyn anyqtaityn test tapsyrdy. Juqtyrǵandardyń eń joǵary kórsetkishi 6 qańtar kúni tirkeldi – 930 naýqas.
Norvegiiada infektsiiaǵa shaldyqqandar alańsyz jazdan keiin 2020 jylǵy tamyzdyń sońynda kóbeie bastady. Elde koronavirýs juqtyrǵan alǵashqy adam byltyrǵy jyldyń aqpan aiynyń sońynda tirkeldi. 25 qańtardan bastap Norvegiia elge kirýge qoiylatyn talaptardy kúsheitti. Endi elge kiretin adamdardyń barlyǵy saparynan kem degende 24 saǵat buryn tapsyrylǵan, koronavirýstyń joq ekenin dáleldeitin taldaý nátijesin kórsetýi qajet.
Eske sala ketsek, buǵan deiin Norvegiiada koronavirýsqa qarsy alǵashqy vaktsina biyl sáýirde qoldanylýy múmkin ekeni habarlanǵan bolatyn.
