Norvegiianyń jańarǵan vaktsinalaý kúntizbesine sai, Koroldiktiń qoǵamdyq densaýlyqty saqtaý institýty (FHI) osy jyldyń 19 qyrkúiegine deiin koronavirýsqa qarsy preparatpen elde turatyn 18 jastan joǵary barlyq sanattaǵy adamdarǵa tolyǵymen ekpe salýdy uiǵardy, dep habarlaidy "Ult aqparat".
FHI baǵalaýy boiynsha, eldegi eresek adamdar 2021 jyldyń 26 shildesinen bastap 1 tamyzyna deiin 30 kúntizbelik apta ishinde koronavirýske qarsy vaktsinanyń birinshi dozasyn alady.
FHI kúntizbesi – vaktsinanyń birinshi dozasy men ekinshi dozasynyń arasyndaǵy 12 aptaǵa deiingi aralyqty qosatyn vaktsinalaýdyń josparlanǵan stsenariii. Sonymen qatar FHI kúntizbeniń udaiy ózgerip otyratynyn atap ótti. Mysaly, 30 sáýirde norvegiialyqtardyń eresek bóligin vaktsinalaýdy 12 qyrkúiekke deiin aiaqtaý josparlanǵan bolatyn.
Kóktemniń aiaǵynda 5,46 mln norvegiialyqtyń 124 211-i (1 mln adamǵa 22 751 oqiǵa) koronavirýs juqtyrǵan. Olardyń 783-i (1 mln adamǵa 143 oqiǵa) qaitys boldy, 18 naýqastyń jaǵdaiy aýyr. Koroldikte 2020 jyldyń 27 jeltoqsanynan bastap b1 631 293 ekpe aldy.
