نورۆەگييانىڭ جاڭارعان ۆاكتسينالاۋ كٷنتٸزبەسٸنە ساي, كورولدٸكتٸڭ قوعامدىق دەنساۋلىقتى ساقتاۋ ينستيتۋتى (FHI) وسى جىلدىڭ 19 قىركٷيەگٸنە دەيٸن كوروناۆيرۋسقا قارسى پرەپاراتپەن ەلدە تۇراتىن 18 جاستان جوعارى بارلىق ساناتتاعى ادامدارعا تولىعىمەن ەكپە سالۋدى ۇيعاردى, دەپ حابارلايدى "ۇلت اقپارات".
FHI باعالاۋى بويىنشا, ەلدەگٸ ەرەسەك ادامدار 2021 جىلدىڭ 26 شٸلدەسٸنەن باستاپ 1 تامىزىنا دەيٸن 30 كٷنتٸزبەلٸك اپتا ٸشٸندە كوروناۆيرۋسكە قارسى ۆاكتسينانىڭ بٸرٸنشٸ دوزاسىن الادى.
FHI كٷنتٸزبەسٸ – ۆاكتسينانىڭ بٸرٸنشٸ دوزاسى مەن ەكٸنشٸ دوزاسىنىڭ اراسىنداعى 12 اپتاعا دەيٸنگٸ ارالىقتى قوساتىن ۆاكتسينالاۋدىڭ جوسپارلانعان ستسەنارييٸ. سونىمەن قاتار FHI كٷنتٸزبەنٸڭ ۇدايى ٶزگەرٸپ وتىراتىنىن اتاپ ٶتتٸ. مىسالى, 30 سەۋٸردە نورۆەگييالىقتاردىڭ ەرەسەك بٶلٸگٸن ۆاكتسينالاۋدى 12 قىركٷيەككە دەيٸن اياقتاۋ جوسپارلانعان بولاتىن.
كٶكتەمنٸڭ اياعىندا 5,46 ملن نورۆەگييالىقتىڭ 124 211-ٸ (1 ملن ادامعا 22 751 وقيعا) كوروناۆيرۋس جۇقتىرعان. ولاردىڭ 783-ٸ (1 ملن ادامعا 143 وقيعا) قايتىس بولدى, 18 ناۋقاستىڭ جاعدايى اۋىر. كورولدٸكتە 2020 جىلدىڭ 27 جەلتوقسانىنان باستاپ ب1 631 293 ەكپە الدى.
