Memlekettik organdarda jemqorlyqqa alyp kelýi múmkin normativtik-quqyqtyq aktiler (NQA) jobalaryndaǵy negizgi faktorlar jariialandy, dep habarlaidy "Ult aqparat".
QR Sybailas jemqorlyqqa qarsy is-qimyl agenttiginiń málimetinshe, elimizde NQA jobalaryna sybailas jemqorlyqqa qarsy ýaqtyly jáne sapaly qorytyndylar daiyndaý úshin jurtshylyq arasynan joǵary kásibi sarapshylyq áleýet qalyptastyrylǵan. Qaita uiymdastyrylǵan konkýrstyq irikteý nátijesinde buryn bekitilgen 93 sarapshydan turatyn tizilim 39 jańa sarapshymen tolyqtyrylǵan.
Atalǵan sarapshylardyń biri - Saparǵaliev atyndaǵy ǴZI basshysy Sultan Álimjanovtyń aitýynsha, memlekettik organdardan sybailas jemqorlyqqa qarsy ǵylymi saraptamaǵa NQA jobalary kóp túsip jatyr.
Qazirgi tańda 2 400-den astam NQA jobasyna qatysty qorytyndy shyǵarylǵan. Onyń ishinde 1 023 NQA jobasynda jemqorlyqqa alyp kelýi múmkin 4 myńǵa jýyq faktor bolǵan. Olardy joiý boiynsha usynymdar berildi.
Aralyq nátije kórsetkendei, sybailas jemqorlyq táýekelderiniń negizgi faktorlary:
- diskretsiialyq ókilettikterdiń keńdigi (33%);
- ekiushty tujyrymdaý (18%);
- tiesili quqyqty iske asyrý úshin tulǵaǵa qoiylatyn joǵary talaptar (15%);
- quqyqtyq olqylyqtar (10%);
- quqyq normalarynyń qaishylyqtary (10%).
«Taldaý kórsetkendei, sybailas jemqorlyqtyń negizgi normalary áleýmettik qamsyzdandyrý, qarjy, salyq jáne meditsinalyq zańnama salasyndaǵy NQA jobalarynda qamtylǵan» - dedi Sultan Álimjanov.
