Normashyǵarmashylyqty jetildiretin zań qoǵamnyń zań shyǵarý protsesine belsendi qatysýyn qamtamasyz etedi. Mundai pikirdi QR Parlamenti Senatynyń tóraǵasy Máýlen Áshimbaev aitty, dep habarlaidy QazAqparat.
«Memleket basshysynyń sailaý aldyndaǵy baǵdarlamasynda normativtik quqyqtyq aktilerdi ázirleý, qoǵamdyq talqylaý jáne qabyldaý rásimderin jetildirý mindeti belgilengen bolatyn. Bul zań sol mindetti oryndaý maqsatymen qabyldanyp otyr. Osy qujat qoǵamnyń zań shyǵarý protsesine belsendi qatysýyn qamtamasyz etý úshin qosymsha quqyqtyq negizder qalyptastyrady. Sondai-aq, ázirlenetin zańdardyń sapasyn arttyrýǵa, olar boiynsha júieli túsindirý jumystaryn júrgizýge jáne qabyldanǵan zańdardyń oryndalýyn baqylaýǵa arnalǵan tetikter anyqtalady», - dedi Máýlen Áshimbaev Senattyń jalpy otyrysynda «Qazaqstan Respýblikasynyń keibir zańnamalyq aktilerine normashyǵarmashylyqty jetildirý máseleleri boiynsha ózgerister men tolyqtyrýlar engizý týraly» zań qabyldanǵannan keiin.
Onyń atap ótýinshe, atalǵan zań aiasyndaǵy ózgerister zań shyǵarý protsesin jańa deńgeige kóterip, onyń ashyqtyǵyn jáne tiimdiligin arttyrýǵa óz úlesin qosady.
