Foto: Tengrinews.kz
10-11 maýsymda alǵash ret Astana qalasynda NOMAD MMA aralas jekpe-jekten Qazaqstan Respýblikasynyń kýbogy ótedi. Týrnirge Qazaqstannyń túkpir-túkpirinen 12 jáne odan joǵary jas sanattary boiynsha úzdik ataǵyna talasatyn sportshylar qatysady dep kútilip otyr.
Qazaqstandyq sport túri NOMAD MMA halyqaralyq keńistikte qarqyn damýda. Búgingi tańda Qazaqstandyq sport túrinen NOMAD MMA dúniejúzilik federatsiiasy quramyna 22 memleket kiredi: Qazaqstan, Qyrǵyzstan, Ózbekstan, Resei, Tájikstan, Ýkraina, Ońtústik Koreia, Germaniia, Izrail, Serbiia, Aljir, Pákistan, Iran, Úndistan, Aýǵanstan, Bangladesh, Belarýs, Ázirbaijan, Mysyr, Zimbabve, Nigeriia, Túrkimenstan.
Óz kezeginde Respýblikalyq federatsiianyń ókildikteri elimizdiń barlyq aimaqtarynda jasaqtalǵan. Qurylymǵa 157 jattyqtyrýshy, 13 myńnan astam sportshy kiredi.
Biylǵy jyly aimaqtyq ókildik elordamen tolyqtyryldy – aldaǵy týrnirdiń iesi bolyp tabylatyn Astana qalasyndaǵy NOMAD MMA federatsiiasy quryldy.
«Astana federatsiiasy alda kóp jumys kútip turǵan jas uiym, biraq bizdiń komandada úlken tájiribe men qajetti quzyret bar jáne biz aldymyzǵa órshil maqsattar qoiamyz. Jastarymyz arasynda sportpen, onyń ishinde jekpe-jekpen shuǵyldanatyndar sanynyń artyp kele jatqanyna óte qýanyshtymyn! Biz aýqymdy shara ótkizip, qazaqstandyq NOMAD MMA sportynyń barlyq sulýlyǵyn kórsetkimiz keledi», - dedi Astana qalasy boiynsha NOMAD MMA federatsiiasynyń prezidenti Iliias Esmaǵul.
«NOMAD MMA tolyq kontaktili jekpe-jek sport túri bolǵanyna qaramastan, ony damytýdaǵy basty maqsattarymyzdyń biri sportshylardyń, ásirese jas sportshylardyń qaýipsizdigin barynsha qamtamasyz etý, sondyqtan erejeler men jabdyqtar júiesi eń tómen jaraqat kórsetkishtirine kózdelgen vektorymen eskerilgen. Árine, biz túrki jaýyngerleriniń kóne dástúrleri men qazirgi álem beinelerin ushtastyryp, rýhani mádeni qundylyqtardy, otanshyldyq sezimin oiatyp, elimizdiń rýhy men táni myqty azamattardy tárbieleý úshin sportshylardy jan-jaqty damytýǵa umtylamyz.
Árine, mundai jarystarda, qatal básekelestik arqyly biz halyqaralyq týrnirlerde elimizdiń eń myqty ókilderinen quralǵan komanda jasaqtaimyz, onda biz qazaqstandyq sportshylardyń joǵary deńgeiin kórsetip qana qoimai, jalpy alǵanda qazaqstandyq brendimizdi álemge tanytamyz», - dedi Respýblikalyq NOMAD MMA federatsiiasynyń vitse-prezidenti Iýrii Belianin.
