Qazaqstan qańtar aiynda 736 mln tekshe metr gaz eksporttady. Bul týraly búgin Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«2021 jylǵy qańtar aiynyń qorytyndysy boiynsha 4,7 mlrd tekshe metr kóleminde gaz óndirildi. Jospar 97,7 paiyzǵa oryndaldy. Gaz óndirisiniń tómendeýine Teńiz ken ornynda elektr energiiasynyń isten shyǵýy saldarynan munai óndirýdiń tómendeýi áser etti. Óz kezeginde bul ilespe gaz óndirýdiń tómendeýine alyp keldi», - dedi Nurlan Noǵaev.
Ministrdiń aitýynsha, taýarlyq gazdy ishki tutyný kólemi 2,5 mlrd tekshe metrge jetti. Kórsetkish qańtar aiynyń josparynan 112,4 paiyz artyq.
«Suiytylǵan munai gazyn óndirý kólemi 280 myń tonna, jospardyń 102,6 paiyzyn quraidy. Eksportqa shyǵarylǵan gaz kólemi 736 mln tekshe metrdi qurady. Esepti kezeńniń josparymen salystyrǵanda 119,3 paiyzǵa jetti», - dedi ministr.
