Ádebiet boiynsha 2017 jylǵy Nobel syilyǵyn tegi japon britan jazýshysy Kadzýo Isigýro iemdendi, dep jazady "Ult aqparat" "Lenta"-ǵa silteme jasap. Bul týraly syilyqtyń resmi saityndaǵy tikelei efirde habarlanǵan.
Isigýro oqyrmandarǵa "Biz jetim bolǵanda...", "Noktiýrnder: mýzykanyń 5 tarihy jáne túnniń bastalýy", "Januialyq keshki as", "Jerlengen alyp" romandary arqyly belgili.
Shved akademiiasynyń habarlamasynda syilyqtyń "avtordyń tańǵajaiyp emotsionaldy qýatqa ie romandarynda álem men shyńyraý arasyndaǵy bailanystyń buldyr beinesin kórsete alǵany úshin" berilgeni aitylady.
Avtor óziniń "Kúnjarym" atty úshinshi romany úshin Býker syilyǵyn da jeńip alǵan.
Eske sala keteiik, Nobel laýreattarynyń esimi qazan aiynyń basynda belgili bolady. Syilyqty tabystaý saltanaty Stokgolm men Osloda jyl saiyn 10 jeltoqsanda, shved ónertapqyshy, himik Alfred Nobeldiń (1833-1896) qaitys bolǵan kúni ótedi.
Biyl ár Nobel syilyǵynyń somasy 9 mln shved kronyn (1 mln AQSh dollary) qurap otyr.
Buǵan deiin himiia, meditsina jáne fizika salalary boiynsha Nobel syilyǵy iegerleriniń esimi belgili bolǵan edi.
Byltyr, dál osy ýaqytta Amerikan aqyny ári mýzykant Bob Dilan Nobel syilyǵynyń ádebi saladaǵy laýreaty atanǵan.
