Atyraý oblysy ákimi Nurlan Noǵaev oblys ortalyǵyndaǵy birqatar kópqabatty úilerdiń qurylys barysymen tanysty, dep habarlaidy Atyraý oblysynyń Óńirlik kommýnikatsiialar qyzmeti.
Biylǵy jyly Atyraý oblysy Qazaqstan boiynsha táýelsizdik jyldaryndaǵy turǵyn úi qurylysy boiynsha eń úlken kórsetkishti kórsetti. Qazirgi tańda oblys boiynsha 44 úidiń qurylysy júrip jatyr. Jyl sońyna deiin 34 úidiń qurylysy aiaqtalady. Atap aitsaq: Bereke yqsham aýdanynda 2622 páterlik 28 turǵyn úi qurylysy salynýda. 936 páterlik 13 turǵyn úi nesielik júie boiynsha, 1686 páterlik 15 turǵyn úi jaldamaly negizde beriledi.1374 páter bolatyn 20 úidiń qurylysy 2018 jyldyń jeltoqsan aiynda aiaqtalady.
Sonymen qatar, Nursaia yqsham aýdanyndaǵy 576 páterlik 8 úidiń qurylysyn da jyl sońyna deiin aiaqtaý josparlanǵan. Atalǵan aýdanda 240 páterlik taǵy 2 úidiń qurylysy júrýde. Keler jyly paidalanýǵa beriledi. Qaladaǵy Amandosov kóshesinde de 160 páterlik 2 turǵyn úidiń qurylysy júrgizilýde. «7-20-25» baǵdarlamasy boiynsha beriletin qos turǵyn úi qurylysynyń biri shilde aiynda aiaqtalsa, ekinshisin jyl sońynda aiaqtaý josparlanǵan. Qala mańyndaǵy Talǵairan aýylynda 60 úidiń qurylysy aiaqtalýǵa jaqyn. Olardyń 28-i 1 páterli, 12-i 1 páterli eki qabatty jáne 20-y 2 páterli turǵyn úiler.
Oblystyq qurylys basqarmasynyń basshysy Málik Amanovtyń aitýynsha, qurylys jumystaryna 85 paiyz otandyq qurylys materialdary paidalanylýda. Oblys ákimi Nurlan Noǵaev ta qurylys úshin barynsha otandyq ónimderdi paidalanyp, kórsetkishti arttyrýdy tapsyrdy.
Turǵyn úiler qurylysymen tanysqan oblys ákimi jaýapty mamandarǵa osy qarqynnan taimai, jumysty josparly túrde aiaqtaýdy tapsyrdy.
