Ninety One tobynyń prodiýseri Erbolat Bedelhan toptyń taraýyna qatysty qaýesetke jaýap berdi, - dep habarlaidy Tengrinews.kz.
Prodiýserdiń aitýynsha, top taramaidy.
"Top pen Juzz Entertainment kompaniiasy arasyndaǵy kelisimshart merzimi biyl qyrkúiekte bitedi. Iaǵni másele Ninety One toby kompaniiamen jumysyn toqtatýynda. Bul másele jarty jyldan beri talqylanǵan. Endi top ózi jeke brend retinde jumys júrgizetin bolady. Al kompaniia jeke basqa baǵytta jumys júrgizetin bolady", - dep túsindirdi Erbolat Bedelhan.
Eske salaiyq, Ninety One - JUZ Entertainment agenttiginiń 2015 jyly "Aiyptama" atty singlmen debiýt alǵan, búginde 4 memberden turatyn qazaqstandyq top. Bas prodiýseri - "Orda" tobynyń múshesi Erbolat Bedelhan.
