Nigerde bir top áskeri qyzmetkerlerdiń memlekettik tóńkeris áreketi sátsiz aiaqtaldy, dep habarlaidy "Ult aqparat" Agence France-Presse agenttigine silteme jasap.
Eldiń qaýipsizdik qyzmetindegi derekkózderdiń málimetinshe, tańerteń bir top sarbaz Niamei eliniń astanasyndaǵy prezidenttik saraiǵa basyp kirýge áreket jasaǵan, alaida prezidenttik gvardiia ony iske asyrýǵa jol bermegen. «Memlekettik tóńkeris áreketin jasaýǵa bastamashy bolǵan áskeri qyzmetkerler ustaldy», - dep málimdegen qaýipsizdik qyzmetiniń qyzmetkeri.
– Atalǵan sarbazdar toby prezidenttik saraiǵa jaqyndai almady, óitkeni olarǵa prezidenttik gvardiia shabýyl jasaǵan.
Ázirge oqys oqiǵaǵa bailanysty resmi aqparat túsken joq.
