Qazaqstandyq aýyr atlet, Rio Olimpiadasynyń chempiony Nidjat Rahimov doping daýyna qatysty málimdeme jasady. Málimdemeni ol Instagram paraqshasynda jariialady, dep habarlaidy "Ult aqparat".
«Dostar, keshe keshke meniń atyma jariialanyp jatqan aiyptar jóninde habarlama aldym. Menińshe, mundai jańalyq kezekti jarysqa daiyndalyp jatqan kez kelgen atlet úshin tosyn oqiǵa bolary anyq. Maǵan qandai da bir tyiym salynǵan zatty qabyldaǵanym úshin aiyp taǵyp otyrǵan joq. Kez kelgen kásibi sportshy retinde maýsym boiy men birneshe ret doping synamasyn ótkizemin. Kishi dáretime ary qarai ne bolatynyn men bilmeimin. Odan arǵy sharýa bizdi tekseretin testileýshi organdardyń jaýapkershiliginde. Dostar, men qol qýsyryp, bóten adamnyń aiybyn moinyma alǵaly otyrǵan joqpyn. Jeńiske jetken kúni myńdaǵan qazaqstandyqtyń qýanǵany meni shabyttandyrdy. Meniń senimdi dostarym retinde búgin de men sondai qoldaýǵa ie bolaryma kúmánim joq. Men adal sportty qoldaimyn. Ázirge Halyqaralyq test agenttigine túsinik berýim kerek. Ol jerde joǵaryda aitqandarymnyń bárin de baiandap beremin», - dep jazdy Nidjat Rahimov.
Eske sala ketsek buǵan deiin Nidjat Rahimov dopingke qarsy erejelerdi buzdy degen kúdikpen ýaqytsha sporttan shettetilgen edi.
Nidjat Rahimov 2016 jyly zár taldaýyn almastyrdy dep aiyptalýda. Dál osyndai aiyppen 2017 jylǵy Eýropa chempiony Dýmitrý Kaptari da sporttan ýaqytsha shettetilgen bolatyn.
