قازاقستاندىق اۋىر اتلەت, ريو وليمپياداسىنىڭ چەمپيونى نيدجات راحيموۆ دوپينگ داۋىنا قاتىستى مەلٸمدەمە جاسادى. مەلٸمدەمەنٸ ول Instagram پاراقشاسىندا جارييالادى, دەپ حابارلايدى "ۇلت اقپارات".
«دوستار, كەشە كەشكە مەنٸڭ اتىما جارييالانىپ جاتقان ايىپتار جٶنٸندە حابارلاما الدىم. مەنٸڭشە, مۇنداي جاڭالىق كەزەكتٸ جارىسقا دايىندالىپ جاتقان كەز كەلگەن اتلەت ٷشٸن توسىن وقيعا بولارى انىق. ماعان قانداي دا بٸر تىيىم سالىنعان زاتتى قابىلداعانىم ٷشٸن ايىپ تاعىپ وتىرعان جوق. كەز كەلگەن كەسٸبي سپورتشى رەتٸندە ماۋسىم بويى مەن بٸرنەشە رەت دوپينگ سىناماسىن ٶتكٸزەمٸن. كٸشٸ دەرەتٸمە ارى قاراي نە بولاتىنىن مەن بٸلمەيمٸن. ودان ارعى شارۋا بٸزدٸ تەكسەرەتٸن تەستٸلەۋشٸ ورگانداردىڭ جاۋاپكەرشٸلٸگٸندە. دوستار, مەن قول قۋسىرىپ, بٶتەن ادامنىڭ ايىبىن موينىما العالى وتىرعان جوقپىن. جەڭٸسكە جەتكەن كٷنٸ مىڭداعان قازاقستاندىقتىڭ قۋانعانى مەنٸ شابىتتاندىردى. مەنٸڭ سەنٸمدٸ دوستارىم رەتٸندە بٷگٸن دە مەن سونداي قولداۋعا يە بولارىما كٷمەنٸم جوق. مەن ادال سپورتتى قولدايمىن. ەزٸرگە حالىقارالىق تەست اگەنتتٸگٸنە تٷسٸنٸك بەرۋٸم كەرەك. ول جەردە جوعارىدا ايتقاندارىمنىڭ بەرٸن دە بايانداپ بەرەمٸن», - دەپ جازدى نيدجات راحيموۆ.
ەسكە سالا كەتسەك بۇعان دەيٸن نيدجات راحيموۆ دوپينگكە قارسى ەرەجەلەردٸ بۇزدى دەگەن كٷدٸكپەن ۋاقىتشا سپورتتان شەتتەتٸلگەن ەدٸ.
نيدجات راحيموۆ 2016 جىلى زەر تالداۋىن الماستىردى دەپ ايىپتالۋدا. دەل وسىنداي ايىپپەن 2017 جىلعى ەۋروپا چەمپيونى دۋميترۋ كاپتاري دا سپورتتان ۋاقىتشا شەتتەتٸلگەن بولاتىن.
