Niderlandyǵa kelip, karantin talaptaryn buzǵan saiahattaýshylarǵa 435 eýro kóleminde aiyppul salynady, dep habarlaidy "Ult aqparat".
Niderlandynyń Densaýlyq saqtaý ministrligi parlamentke koronavirýstyń taraý deńgeii boiynsha «qyzyl» jáne «sary» aimaqtaǵy elderden kelip, karantin talaptaryn buzǵan azamattarǵa qoldanylatyn jazany qataitýdy qarastyratyn zań jobasyn usyndy.
Eger Parlament depýtattary Densaýlyq saqtaý ministrliginiń usynysyn bekitse, ózgerister biylǵy jyldyń 15 mamyrynan bastap kúshine enedi.
435 eýro kóleminde aiyppul salý, isti boldy degendi bildiredi. Qazirgi tańda álem elderiniń basym bóligi kirip otyrǵan «qyzyl» nemese «sary» aimaqtaǵy elderden kelgen adamdar 5 táýlikten soń PTR testiniń teris kórsetkishi bolmasa 10 táýlikke karantinge jatqyzylýy kerek.
Alaida osy jaǵdaiǵa júrgizilgen zertteý jumystary sanitarlyq talaptardy shetelge shyǵyp qaitqandardyń tek árbir besinshisi ǵana oryndaitynyn kórsetti.
«Bizdiń saiahatqa shyǵatyn múmkindigimiz bar, alaida biz shekara asqandardyń elimizge mýtatsiialanǵan virýstardy ákelip jatpaǵanyna senimdi bolýymyz kerek», - dedi Niderlandynyń Densaýlyq saqtaý ministri De Iong.
Saiahattaýshylardyń karantindik deklaratsiiasy bolýy kerek. Onda olardyń karantinde qai jerde bolatyny kórsetiledi. Tekserý telefon arqyly júrgiziledi nemese jergilikti keńester shetelden kelgen azamattardyń karantin talaptaryn saqtap jatqandyǵyn bilý úshin arnaiy laýazym ielerin jiberýi múmkin.
