Niderland densaýlyq saqtaý ulttyq institýtynyń (RIVM) málimetinshe, elde ótken táýlikte 8141 koronavirýs juqtyrý oqiǵasy tirkelgen, dep habarlaidy "Ult aqparat".
Aýrýhanaǵa jatqyzylǵan naýqastar sany 15-ten 1568-ge deiin kóbeidi, onyń 352-i qarqyndy terapiia bóliminde em alyp jatyr. Koronavirýstan 28 adam qaitys boldy.
Osylaisha keiingi aptada Niderlandtaǵy ortasha táýliktik ólim kórsetkishi - 24. Ókinishke qarai, bul san ótken aptamen salystyrǵanda jeteýge artyq.
Koronavirýsqa shaldyqqandar eń kóp anyqtalǵan aimaq – Amsterdam. 683 adam tirkelgen.
RIVM institýtynyń virýsology Iaap van Dissel jergilikti telearnalardyń birinde Niderland úkimeti osy aptada engizgen ishinara oqshaýlaý sharasy 2020 jyldyń jeltoqsanyna deiin sozylýy múmkin ekenin habarlady.
«Eger esepteý júrgizetin bolsaq, KVI ósimi uzaqqa sozylýy múmkin, kórsetkishter de joǵary bolady», - deidi virýsolog.
«Bul jaǵdaidyń qanshalyqty uzaqqa sozylatynyn boljaýǵa bolady, biraq biyl jeltoqsan aiyna deiin uzarýy múmkin ekenin naqty aita alamyz», - dep senimdi aitty Ia.Dissel.
