نيدەرلاند دەنساۋلىق ساقتاۋ ۇلتتىق ينستيتۋتىنىڭ (RIVM) مەلٸمەتٸنشە, ەلدە ٶتكەن تەۋلٸكتە 8141 كوروناۆيرۋس جۇقتىرۋ وقيعاسى تٸركەلگەن, دەپ حابارلايدى "ۇلت اقپارات".
اۋرۋحاناعا جاتقىزىلعان ناۋقاستار سانى 15-تەن 1568-گە دەيٸن كٶبەيدٸ, ونىڭ 352-ٸ قارقىندى تەراپييا بٶلٸمٸندە ەم الىپ جاتىر. كوروناۆيرۋستان 28 ادام قايتىس بولدى.
وسىلايشا كەيٸنگٸ اپتادا نيدەرلاندتاعى ورتاشا تەۋلٸكتٸك ٶلٸم كٶرسەتكٸشٸ - 24. ٶكٸنٸشكە قاراي, بۇل سان ٶتكەن اپتامەن سالىستىرعاندا جەتەۋگە ارتىق.
كوروناۆيرۋسقا شالدىققاندار ەڭ كٶپ انىقتالعان ايماق – امستەردام. 683 ادام تٸركەلگەن.
RIVM ينستيتۋتىنىڭ ۆيرۋسولوگى يااپ ۆان ديسسەل جەرگٸلٸكتٸ تەلەارنالاردىڭ بٸرٸندە نيدەرلاند ٷكٸمەتٸ وسى اپتادا ەنگٸزگەن ٸشٸنارا وقشاۋلاۋ شاراسى 2020 جىلدىڭ جەلتوقسانىنا دەيٸن سوزىلۋى مٷمكٸن ەكەنٸن حابارلادى.
«ەگەر ەسەپتەۋ جٷرگٸزەتٸن بولساق, كۆي ٶسٸمٸ ۇزاققا سوزىلۋى مٷمكٸن, كٶرسەتكٸشتەر دە جوعارى بولادى», - دەيدٸ ۆيرۋسولوگ.
«بۇل جاعدايدىڭ قانشالىقتى ۇزاققا سوزىلاتىنىن بولجاۋعا بولادى, بٸراق بيىل جەلتوقسان ايىنا دەيٸن ۇزارۋى مٷمكٸن ەكەنٸن ناقتى ايتا الامىز», - دەپ سەنٸمدٸ ايتتى يا.ديسسەل.
