Dúisenbi kúni Niderland premer-ministri Mark Riýtte koronavirýspen kúres boiynsha jańa sharalardyń engizilýine bailanysty el turǵyndaryna úndeý jasady, dep habarlaidy "Ult aqparat".
Germaniiadan keiin Niderland úkimeti biylǵy jyldyń 15 jeltoqsanynan bastap «kúsheitilgen lokdaýn» engizedi.
Atap aitqanda, azyq-túlik, mádeni jáne qoǵamdyq mekemelerdi qospaǵanda, dúkender jumysyn toqtatady.
Sonymen qatar, Niderland premer-ministri kem degende 2021 jyldyń naýryz aiynyń ortasyna deiin turǵyndardy shetelge sapar josparlamaýǵa shaqyrdy.
«Niderlandqa Eýroodaq pen Shengen aimaǵyna kirmeitin memleketterden kelgen azamattar koronavirýs infektsiiasynyń teris nátijesi bar test usynýy kerek» dedi úkimet basshysy.
Bul talap Niderland azamattaryna, EO-nyń basqa azamattaryna jáne olardyń otbasy múshelerine qoldanylmaidy.
