«New Music Generation 2020» II halyqaralyq kompozitorlar konkýrsy - Qazaqstannyń klassikalyq mýzyka álemindegi aitýly oqiǵa.
2020 jyldyń 16-21 qarasha aralyǵynda Nur–Sultan qalasynda onlain rejimde «New Music Generation 2020» II halyqaralyq kompozitorlar konkýrsy ótedi, dep habarlaidy "Ult aqparat".
Konkýrsty uiymdastyrýshy – QR Mádeniet jáne sport ministrligi (QR MSM) «Qazaq ulttyq óner ýniversiteti» («QazUÓÝ» RMM).
***
Maqsaty:
1) Qazirgi zamanǵy akademiialyq mýzykany onyń barlyq alýan túrliligimen dáripteý;2) Jas kompozitorlardyń shyǵarmashylyǵyna qoldaý kórsetý jáne nasihattaý;3) Qabiletti jáne talantty mýzykanttardy anyqtaý jáne yntalandyrý, álemdik qoǵamdastyq júiesinde Qazaqstannyń mádeni imidjin odan ári nyǵaitý;4) Qazaqstanda jáne álemde jalpy kompozitorlyq deńgeidi arttyrý;5) Jas mýzykanttar men kompozitorlardy jańa kompozitorlyq tehnikalardy oqyp úirenýge jáne barlyq jańa múmkindikter men mánerli quraldardy meńgerýge yntalandyrý;6) Barlyq mamandyqtaǵy jas kompozitorlar men mýzykanttardyń oi-órisin jáne shyǵarmashylyq dúnietanymyn keńeitý.
Konkýrstyń ereksheligi anonimdiligi bolyp tabylady (barlyq qatysýshylar óz partitýralaryn familiiasymen emes, jeke uranymen-qupiiasózimen usynady), bul jumystardy qaraý kezinde ádildikti jáne obektivtilikti qamtamasyz etedi. Qazylar alqasynyń daýys berý qorytyndysy shyǵarylǵannan keiin ǵana laýreattardyń jeke derekteri ashylady.
Konkýrs kelesi nominatsiialarda ótkiziledi:
«Simfoniialyq týyndy» (solistpen nemese solistermen, onyń ishinde vokalistermen nemese vokalistersiz)«Kameralyq shyǵarma» (solo aspaptan bastap solisterdiń úlken ansambline deiin)«Vokaldyq shyǵarma» (ánshilerdiń sany shektelmegen, aspaptyq súiemeldeýmen nemese súiemeldeýsiz).
Konkýrsqa úsh jas toby boiynsha kompozitorlar qatysady:
Birinshi top-15 jasqa deiin;Ekinshi top – 15 jastan 25 jasqa deiin;Úshinshi top – 25 jastan 35 jasqa deiin.
Konkýrsqa álemniń 22 elinen (Frantsiia, Germaniia, Italiia, Ispaniia, Avstriia, Belgiia, Chehiia, Qytai, Argentina, Chili, Filippin, Rýmyniia, Gretsiia, Serbiia, Jańa Zelandiia, Finliandiia, Qazaqstan, Resei Federatsiiasy, Ýkraina, Belarýs, Moldova, Litva), 160-tan astam partitýra, 98 konkýrsant usynyldy.
Qazylar alqasy músheleriniń partitýralardy qaraýy alǵash ret onlain ótkiziledi.
Qazylar alqasynyń quramynda qazirgi zamannyń ozyq kompozitorlary, jańa mýzyka men avangardty oilaýshylar men jasaýshylar, kórnekti óner qairatkerleri bar.
Qazylar alqasynyń quramy:
Rahat-Bi Abdysaǵin – qazylar alqasynyń tóraǵasy jáne kórkemdik jetekshisi. Kompozitor, pianist, 2 opera jáne 100-den astam klassikalyq mýzyka týyndylarynyń avtory. «Daryn» memlekettik jastar syilyǵynyń laýreaty, TMD Parlamentaralyq Assambleiasynyń «Mádeniet pen ónerdi damytýǵa sińirgen eńbegi úshin» qurmet belgisiniń iegeri, P.I. Chaikovskii atyndaǵy konkýrs juldyzdary qaýymdastyǵynyń múshesi. Qazaqstannyń «100 jańa esimi» ulttyq jobasynyń jeńimpazy.Martin Loridan – Parij konservatoriiasynyń túlegi. Rain-Foundation Composition Price, Prix André Jolivet, Vareler Kompositionpreis siiaqty halyqaralyq baiqaýlardyń júldegeri. Qazirgi ýaqytta, Lids ýniversitetinde doktorlyq dissertatsiiasyn qorǵaýda. Onyń jumystary «BabelScores» elektrondy kitaphanasynda jariialanady.Iýrii Kasparov – RF eńbek sińirgen óner qairatkeri, QR «Mádeniet salasynyń úzdigi» tósbelgisiniń iegeri. Frantsiianyń «Óner men ádebiettegi eńbegi úshin» ordeniniń kavaleri. P. I. Chaikovskii atyndaǵy Máskeý memlekettik konservatoriiasynyń professory.Bek Djin (Ońtústik Koreia) – Gangbýk filarmoniialyq orkestri (GPO) jáne Pýsan festival orkestriniń kórkemdik jetekshisi. Halyqaralyq Pýsan-Marý mýzykalyq festivaliniń kórkemdik jetekshisi. 2004 jyldan bastap Qytai Tiantszin simfoniialyq orkestriniń bas dirijer. 2003-2011 jyldar aralyǵynda Masan filarmoniialyq orkestriniń kórkemdik jetekshisi qyzmetin atqarǵan. Qazirgi ýaqytta ol Dýnso ýniversitetiniń aspirantýrasynda dirijerlik professor bolyp jumys isteidi.Emil Ribarskii – 2020 jyldyń 7 aqpanynda Kirill men Mefodii ýniversitetinde «Frederik Shopenniń «24 preliýdiia SOP. 28» pesasyndaǵy pianistik qurylym» taqyrybynda qorǵap fortepianolyq interpretatsiia doktorlyq dárejesin aldy. Interfest jastar halyqaralyq pianister baiqaýy, Prishtinada ótken Ars Kosova jáne Interfest-Bitola halyqaralyq pianister baiqaýlarynyń birinshi oryn iegeri.Qazirgi ýaqytta Emil Ribarskii Skopedegi «DMBUC – Ilija Nikolovski-Luj» Memlekettik mýzyka mektebinde fortepiano bóliminiń professory bolyp jumys isteidi.Ernest Hiottsl (Avstriia) – Grats mýzyka ýniversitetiniń mýzyka tarihy professory. Karintiia mýzykalyq klýbynyń jáne Karintiia jastar mýzykalyq klýbynyń kórkemdik jetekshisi. Eurosymphony SFK bas dirijeri.Ernest Hettsl búkil álem boiynsha 80-nen astam orkestrge dirijerlik etken.«Avstriia Respýblikasynyń ǵylymy men óneri úshin qurmetti krest», «Avstriia Respýblikasyna sińirgen eńbegi úshin altyn medal», «Shtiriia provintsiiasynyń altyn eńbegi», «Karintiia provintsiiasynyń úlken eńbegi» siiaqty marapattarǵa ie.Mattias Kranebitter (Avstriia) – Vena mýzyka jáne oryndaýshylyq óner ýniversitetinde elektroakýstikalyq kompozitsiia, kino jáne media kompozitsiia jáne fortepiano mamandyqtarynda oqyǵan. Van Amsterdam konservatoriiasy jáne Grats ýniversitetinde aspirantýrany aiaqtaǵan.Onyń shyǵarmalary Gýstav Maler atyndaǵy kompozitsiia baiqaýy(2006), Gaudeamus Music Week Amsterdam 2009 jáne Impuls Composition Competition Graz 2013 jas kompozitorlar jobasynyń 1oryndardyń iegeri. Ol Avstriianyń atynan Belgiiada ótken ISCM World New Music 2012 jáne 2015 jyldary Sloveniiada óner kórsetti. Ol SKE Austro Mechana 2013 jariialylyq syilyǵymen jáne Förderungspreis 2014, Kompositionspreis der Landeshauptstadt Stuttgart 2020 jáne Erste Bank Kompositionspreis Wien Modern/Klangforum Wien 2020.marapattaldy. Black Page Orchestra ansambliniń negizin qalaýshy.
Anyqtama:
2019 jyldan bastap «New Music Generation 2020» I Halyqaralyq kompozitorlar konkýrsy mádeniet álemindegi basty oqiǵa boldy, shyǵarmashylyq konkýrs Qazaqstandaǵy Jastar jyly aiasynda alǵash ret elordada ótkizildi.Konkýrsqa álemniń 24 elinen — TMD, alys jáne jaqyn shetelderden eń joǵary deńgeidegi 210 partitýrany jibergen 115 kompozitor jinaldy. Úmitkerlerdiń 41-i álemniń 16 elinen laýreat atandy. Konkýrstyń ózi Qazaqstandaǵy jastar jylynyń simvoldyq jáne sharyqtaý shegi boldy.
