Nursultan Ábishuly Táýelsizdiktiń alǵashqy jyldarynan bastap Qazaqstan halqymen birge jasasyp, eli úshin tynbai jumys istep kele jatqan kórnekti tulǵa. Bul bir. Ekinshiden, Astana qalasyn turǵyzyp, Elordaǵa ainaldyrǵan da ózi emes pe?! Endeshe, Elordaǵa «Nur-Sultan» degen ataý bergende turǵan ne bar?! Astanamyz qazaqtyń mańdaiyna bitken tulǵanyń esimimen atalǵany quptarlyq is.
Bul tarihi sheshimniń jańa prezidenttiń usynysymen qabyldanǵanyn bárimiz kórdik. Eldiń tizginin ustap otyrǵan azamattar osyndai qararǵa kelse, halyq bop qoldaityn jónimiz bar. Bul sheshimdi jaǵympazdyqqa balap jatqandar da bar. Kózimiz shaldy. Jappai halyqty bul úshin kústanalaýdyń da qajeti joq. Saiasi saýaty tolyq jetilmegen qarapaiym halyqty arandatýǵa qumar toptar bolady. Halyqqa siz bolyp, biz bolyp uǵyndyrýymyz lázim. Bul tarih ózi jolymen, joralǵysymen shyǵarǵan sheshim.
«Nur» sózi de, «sultan» sózi de sakraldyq mánge ie sóz. «Nur-Sultan» qalasy dep ataý baitaq elimizdiń astanasyna jarasyp-aq tur. Men bárińizdi osy sheshimdi qoldap, ult bolyp uiysý jolyndaǵy tutas ideiaǵa qyzmet etýge shaqyramyn.
Nesipbek Dáýtai,
jazýshy, Qazaqstan Respýblikasy Táýelsizdigi jáne Astananyń 10 jyldyǵyna arnalǵan medaldarmen marapattalǵan, Halyqaralyq «Alash» ádebi syilyǵynyń laýreaty
.jpeg)