Aqyn, Qazaqstannyń eńbek sińirgen qairatkeri Nesipbek Aituly barsha qazaqstandyqtardy aitýly data – Abai kúnimen quttyqtady, dep habarlaidy QazAqparat.
Elordadaǵy Abai eskertkishiniń aldyna aitýly kúnge orai taǵzym etý úshin kelgen aqyn Nesipbek Aituly oishyl aqynnyń atymen atalatyn merekeniń nelikten 10 tamyzǵa dóp kelgeni týraly oiyn aitty.
«Abaidyń týǵan kúni týraly árkim ár túrli pikir aityp keldi. Biraq byltyr el bolyp osy tamyzdyń 10-yna toqtadyq. Óitkeni M.Áýezov solai dep aityp ketken. Áýzovten artyq Abaidy kim biledi? Bul kún – uly kún. Bizdiń Alladan keiin aýzymyzǵa túsetin esim – Abai. Abai qazaqtyń tólqujaty deýge bolady. Abai jyrlary, ósieti arqyly biz búkil qoǵamdy tárbielep otyrmyz. Mynaý zaman ótken saiyn, kún ótken saiyn Abai ýaqytpen birge úredi. Sebebi Abai – máńgilik», - deidi kórnekti aqyn.
Qoǵam qairatkeri táýelsiz Qazastannyń memlekettik, ulttyq ideologiiasynyń ózeginde Abai ónegesi jatqanyn aitady.
«Abai baǵdarlap ketken baǵyttan, Abai salyp ketken joldyń sorabynan adaspaityn bolsaq, adamdyqtan, parasattan, ulttyń uly qasietinen biz eshqashan ajyramaimyz. Sondyqtan búkil qazaqqa Abai atamyzdyń týǵan kúni, Abai kúni qutty bolsyn degim keledi. Qazaq barda – Abai bar, Abai barda – qazaq bar», - dedi Nesipbek Aituly.
