Qoldanystaǵy zańdarǵa sáikes barlyq nesie boiynsha jiyntyq tólemder somasy qaryzdyq júkteme koeffitsientinen aspaýy kerek. Bul nesie tólemderi jalpy kiristiń 50 paiyzynan aspaýy kerek degendi bildiredi. Mysaly, 200 myń teńge jalaqysy bar adam jalpy tólem somasy 100 myń teńgeden joǵary nesie ala almaidy. Eger kiris mólsheri qazirdiń ózinde az bolsa jáne oǵan qosa áleýetti qaryz alýshynyń qamqorlyǵynda kámeletke tolmaǵan balalar bolsa, onda nesieler boiynsha tólemderdiń jalpy somasynyń qaldyǵy eń tómengi kúnkóris deńgeiinen (shamamen 37 389 teńge) jáne 0,5 (18 myń teńge ) ár balaǵa eń tómengi kúnkóris deńgeiinen tómen bolmaýy kerek.
Tabysy qaryz júktemesiniń 50 paiyzynan asatyn adamdarǵa zań jańa nesie alýǵa kedergi bolmaityny atap ótildi.
"Buǵan deiin qarjy uiymdary, bankter men mikroqarjy uiymdary nesie týraly aqparatty Nesie biýrosyna 15 kún ishinde usynýy kerek edi. Osylaisha, tabysy jetkiliksiz azamat, mysaly, mikroqarjy uiymynan nemese onlain rejiminde bir nesie ala alady. Osy ýaqytta Nesie biýrosyndaǵy aqparat jańartylǵanǵa deiin oǵan bankten de nesie berilýi múmkin. Nátijesinde onyń nesieleriniń jalpy somasy qaryz júktemesiniń koeffitsientinen asyp ketedi. Aitalyq, 200 000 teńge jalaqymen ol nesiesine 150 000 teńge tólese, osynyń bári azamattardyń qaryz júktemesin aýyrlatyp, oǵan qosa keshiktirilgen jaǵdaida aiyppuldar men ósimpuldar óndirilgen.
Endi jańa zańǵa sáikes, barlyq qarjy institýttary, tipti lombardtar nemese onlain shaǵyn nesie berý ortalyqtary bir jumys kúni ishinde aqparat berýge mindetti, bul qaryz alýshylarǵa tabysynyń 50 paiyzynan asatyn tólemdermen birneshe nesie alýdy qiyndatady", - dedi Qarjy naryǵyn retteý jáne damytý agenttiginiń syrtqy kommýnikatsiialar bóliminiń ókili Dmitrii Akmaev.
Akmaevtyń aitýynsha, bankterdiń kópshiligi klientterdiń nesielik tarihy týraly aqparatty onsyz da jedel jetkizgen. Alaida kóptegen mikroqarjy qurylymdary men lombardtar buǵan nemqurailyq tanytyp, nesie alý múmkindigin týdyrady. Endi olardyń bári bir kún ishinde Nesie biýrosyna nesie alǵan klient týraly negizgi aqparatty – onyń tegi, aty, ákesiniń aty, nesie somasy, óteý merzimi jáne t.b. tapsyrýy tiis. Biryńǵai derekter bazasynyń kómegimen kez kelgen qarjy uiymy kezekti nesieni alý kezinde klienttiń nesielik limitine jetken-jetpegenin birden bilip, bul jaǵdaida odan bas tarta alady.
