قولدانىستاعى زاڭدارعا سەيكەس بارلىق نەسيە بويىنشا جيىنتىق تٶلەمدەر سوماسى قارىزدىق جٷكتەمە كوەففيتسيەنتٸنەن اسپاۋى كەرەك. بۇل نەسيە تٶلەمدەرٸ جالپى كٸرٸستٸڭ 50 پايىزىنان اسپاۋى كەرەك دەگەندٸ بٸلدٸرەدٸ. مىسالى, 200 مىڭ تەڭگە جالاقىسى بار ادام جالپى تٶلەم سوماسى 100 مىڭ تەڭگەدەن جوعارى نەسيە الا المايدى. ەگەر كٸرٸس مٶلشەرٸ قازٸردٸڭ ٶزٸندە از بولسا جەنە وعان قوسا ەلەۋەتتٸ قارىز الۋشىنىڭ قامقورلىعىندا كەمەلەتكە تولماعان بالالار بولسا, وندا نەسيەلەر بويىنشا تٶلەمدەردٸڭ جالپى سوماسىنىڭ قالدىعى ەڭ تٶمەنگٸ كٷنكٶرٸس دەڭگەيٸنەن (شامامەن 37 389 تەڭگە) جەنە 0,5 (18 مىڭ تەڭگە ) ەر بالاعا ەڭ تٶمەنگٸ كٷنكٶرٸس دەڭگەيٸنەن تٶمەن بولماۋى كەرەك.
تابىسى قارىز جٷكتەمەسٸنٸڭ 50 پايىزىنان اساتىن ادامدارعا زاڭ جاڭا نەسيە الۋعا كەدەرگٸ بولمايتىنى اتاپ ٶتٸلدٸ.
"بۇعان دەيٸن قارجى ۇيىمدارى, بانكتەر مەن ميكروقارجى ۇيىمدارى نەسيە تۋرالى اقپاراتتى نەسيە بيۋروسىنا 15 كٷن ٸشٸندە ۇسىنۋى كەرەك ەدٸ. وسىلايشا, تابىسى جەتكٸلٸكسٸز ازامات, مىسالى, ميكروقارجى ۇيىمىنان نەمەسە ونلاين رەجيمٸندە بٸر نەسيە الا الادى. وسى ۋاقىتتا نەسيە بيۋروسىنداعى اقپارات جاڭارتىلعانعا دەيٸن وعان بانكتەن دە نەسيە بەرٸلۋٸ مٷمكٸن. نەتيجەسٸندە ونىڭ نەسيەلەرٸنٸڭ جالپى سوماسى قارىز جٷكتەمەسٸنٸڭ كوەففيتسيەنتٸنەن اسىپ كەتەدٸ. ايتالىق, 200 000 تەڭگە جالاقىمەن ول نەسيەسٸنە 150 000 تەڭگە تٶلەسە, وسىنىڭ بەرٸ ازاماتتاردىڭ قارىز جٷكتەمەسٸن اۋىرلاتىپ, وعان قوسا كەشٸكتٸرٸلگەن جاعدايدا ايىپپۇلدار مەن ٶسٸمپۇلدار ٶندٸرٸلگەن.
ەندٸ جاڭا زاڭعا سەيكەس, بارلىق قارجى ينستيتۋتتارى, تٸپتٸ لومباردتار نەمەسە ونلاين شاعىن نەسيە بەرۋ ورتالىقتارى بٸر جۇمىس كٷنٸ ٸشٸندە اقپارات بەرۋگە مٸندەتتٸ, بۇل قارىز الۋشىلارعا تابىسىنىڭ 50 پايىزىنان اساتىن تٶلەمدەرمەن بٸرنەشە نەسيە الۋدى قيىنداتادى", - دەدٸ قارجى نارىعىن رەتتەۋ جەنە دامىتۋ اگەنتتٸگٸنٸڭ سىرتقى كوممۋنيكاتسييالار بٶلٸمٸنٸڭ ٶكٸلٸ دميتريي اكماەۆ.
اكماەۆتىڭ ايتۋىنشا, بانكتەردٸڭ كٶپشٸلٸگٸ كليەنتتەردٸڭ نەسيەلٸك تاريحى تۋرالى اقپاراتتى ونسىز دا جەدەل جەتكٸزگەن. الايدا كٶپتەگەن ميكروقارجى قۇرىلىمدارى مەن لومباردتار بۇعان نەمقۇرايلىق تانىتىپ, نەسيە الۋ مٷمكٸندٸگٸن تۋدىرادى. ەندٸ ولاردىڭ بەرٸ بٸر كٷن ٸشٸندە نەسيە بيۋروسىنا نەسيە العان كليەنت تۋرالى نەگٸزگٸ اقپاراتتى – ونىڭ تەگٸ, اتى, ەكەسٸنٸڭ اتى, نەسيە سوماسى, ٶتەۋ مەرزٸمٸ جەنە ت.ب. تاپسىرۋى تيٸس. بٸرىڭعاي دەرەكتەر بازاسىنىڭ كٶمەگٸمەن كەز كەلگەن قارجى ۇيىمى كەزەكتٸ نەسيەنٸ الۋ كەزٸندە كليەنتتٸڭ نەسيەلٸك ليميتٸنە جەتكەن-جەتپەگەنٸن بٸردەن بٸلٸپ, بۇل جاعدايدا ودان باس تارتا الادى.
