Qazaqstanda 1 millionnan astam adam negizgi borysh somasyn óteý jáne zaimdar boiynsha syiaqy esepteýdi keiinge qaldyrýdy surap, bankterge ótinish bergen. Bul týraly Qazaqstan qarjygerleri qaýymdastyǵy keńesiniń tóraǵasy Elena Bahmýtova búgin onlain-brifing barysynda málim etti, dep habarlaidy "Ult aqparat".
«9 sáýirdegi jaǵdai boiynsha, 1 mln 137 myńǵa jýyq adamnan ótinish tústi. 983 myńnan astam jeke tulǵanyń ótinishi boiynsha sheshim qabyldandy. Nesieni tóleý merzimin shegerý boiynsha ótinishter áli de qabyldanýda. Bank ótinishti 10 kún ishinde qaraidy. Eger áleýmettik jaǵynan az qamtylǵan adam ótinish berse, ol boiynsha tez arada sheshim qabyldanady. Mundai jaǵdaida 10 kún kútýdiń qajeti joq. Bankter bul protsesti onlain rejimde de júrgizip jatyr», – dedi Elena Bahmýtova.
Sonymen qatar ol karantin kezinde bankter tańǵy saǵat 9.00-den bastap, keshki 17:00-ge deiin jumys isteitinin atap ótti.
