Ártúrli sebeptermen bir kezderi nesiesin jappaǵan azamattarǵa zeinetaqy jinaǵy berilmeýi múmkin be? Tilshilerdiń bul suraǵyna Ortalyq kommýnikatsiialar alańynda ótken baspasóz máslihatynda «Otbasy bank» AQ basshysy Lázzat Ibragimova jaýap berdi, dep habarlaidy QazAqparat.
«Nashar nesie tarihy bir rettik zeinetaqy tólemin berýden bas tartýǵa sebep bolmaidy. Bul jaǵdailar bir-birine múlde bailanysty emes. Ekinshi kezeńde, iaǵni qarajat sizdiń arnaiy shotyńyzǵa túskennen keiin eger maqsattardyń biri - jańa ipotekalyq nesie alý bolsa, onda siz ekinshi deńgeili bankterge eń qolaily jaǵdailardy izdeýge barasyz. Dál sol kezde kóbi (bankterdiń) sizdiń qaryzdaryńyzdy buǵan deiin qalai tólegenińizdi taldaýy múmkin», - dep túsindirdi ol.
Al «Otbasy bank» týraly sóz qozǵaǵan Lázzat Ibragimova bul máselede ózi jetekshilik etip otyrǵan banktyń saiasaty qandai ekennin de aityp ótti.
«Eger ótinim berer aldynda bir kún buryn ǵana basqa bank aldyndaǵy merzimi ótip ketken nesieni japsańyz, ekinshi deńgeili banktermen qarym-qatynasyńyzǵa biz qaramaimyz. Bizdiń naryqtyq baǵdarlamalarǵa sáikes, qaryzdy tólegennen keiin, biz jańa problemalyq qaryzdar týraly basqa oqiǵalar bolmas úshin úsh ai kútemiz. Bul jaǵdaida, siz basqa banktegi qaryzyńyzdy tólegennen keiin 90 kún ótken soń, sizdiń nesie tarihyńyzda másele týyndamaidy», - dep qosty Lázzat Ibragimova.
Eske salsaq, 2021 jyly 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy. Arnaiy portalda zeinetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi.
