Foto: AP Photos
Nepaldyń ýaqytsha premer-ministri bolyp 73 jastaǵy Sýshila Karki sailandy, dep habarlaidy Ult.kz.
Ol — el tarihynda Joǵarǵy sotty basqarǵan alǵashqy áiel, endi birinshi ret premer-ministr kreslosyna otyrdy.
Karki úkimet basshysy bolýǵa ózi umtylmaǵanyn aityp, jarty jyldan soń — 2025 jyldyń naýryzyndaǵy sailaýdan keiin — otstavkaǵa ketetinin málimdedi:
"Bul laýazymdy qalamadym. Biraq halyqtyń daýsy meni qabyldaýǵa kóndirdi".
Karkidi premer retinde Discord-taǵy protest qozǵalysy usyndy. "Hami Nepal" atty serverde 140 myńnan astam adam daýys bergen. Biraq sońǵy sheshim prezident pen ásker qolbasshysymen kelisilgen.
Sýshila Karki 2009–2017 jj. Joǵarǵy sotta jumys istedi, sońǵy jylynda onyń tóraiymy boldy. Keiin avtobiografiia ("Sýdia") jáne roman ("Tiýrma") jazdy.
Aldyńǵy premer, kommýnistik partiia jetekshisi Khadga Prasad Sharma Oli áleýmettik jelilerge tyiym salǵannan keiin bastalǵan jappai narazylyqtan soń otstavkaǵa ketken. Qaqtyǵystarda 72 adam qaza tapty, parlament ǵimaraty órtendi.
Endi Karki aldynda úlken mindet tur:
- - elde tártipti qalpyna keltirý;
- - parlament pen qiraǵan ǵimarattardy qaita salý;
- - eń bastysy — Z býynynyń talabyna jaýap berý: jemqorlyqpen kúres, ádil basqarý jáne ekonomikalyq teńdik.
