Nelson Mandelanyń nemeresi QR Tuńǵysh Prezidenti Qorynyń shaqyrtýymen elge resmi saparmen keldi, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
«Thembekile Mandela Foundation» qorynyń prezidenti Ndileka Mandela hanymmen Dostyq úiindegi kezdesýdi QR Aqparat jáne qoǵamdyq damý ministrligi Etnosaralyq qatynastardy damytý komitetiniń ókilderi uiymdastyrdy.
Júzdesýge Qoldanbaly etnosaiasi zertteýler institýty, «Qazaqstan-OAR» Halyqaralyq Qorynyń basshylyǵy, Qazaqstan halqy assambleiasy keńesiniń músheleri men Nur-Sýltan qalasy ákimdiginiń ókilderi shaqyryldy.
Kezdesý barysynda Tuńǵysh Prezident – Elbasy N. Nazarbaevtyń beibitshilik pen kelisimdi nyǵaitý jónindegi bastamalary, Qazaqstan halqy Assambleiasynyń qyzmeti jáne ony odan ári damytý, etnosaralyq qatynastar salasyndaǵy ózekti ǵylymi zertteýler men yntymaqtastyqty damytý máseleleri talqylandy.
Sondai-aq, shara barysynda 2021 jyly OAR-daǵy Qazaqstan elshiligi shyǵarǵan kórnekti oishyl Ábý-Nasyr Ál-Farabidiń ómiri men shyǵarmashylyǵy týraly «Treatise on the need to strive for an excellent state» kitabynyń tusaýkeseri ótti jáne Dostyq úiiniń qyzmetimen tanystyrý uiymdastyryldy.
