Áleýmettik jelilerde nekeniń merzimin uzartý qajet degen aqparat tarady. Alaida Ádilet ministrligi bul málimettiń shyndyqqa janaspaitynyn málimdedi, dep habarlaidy ult.kz.
Vedomstvonyń málimetinshe, mundai habarlamalar alaiaqtardyń áreketi bolýy múmkin.
Qazaqstannyń neke-otbasy zańnamasyna sáikes, neke bir ret tirkeledi jáne onyń qoldanylý merzimi shektelmeidi. Sondyqtan erli-zaiyptylardyń nekesin belgili bir ýaqyttan keiin qaita uzartýy nemese tirkeýi talap etilmeidi.
Ádilet ministrliginiń habarlaýynsha, neke erli-zaiyptylardyń bireýiniń nemese ekeýiniń ótinishi boiynsha nekeni buzý arqyly, sondai-aq zańda kózdelgen basqa jaǵdailarda toqtatylýy múmkin. Nekeni buzý tirkeýshi organ arqyly nemese sot tártibimen júzege asyrylady.
Tirkeýshi organ arqyly buzylǵan neke memlekettik tirkelgen kúnnen bastap, al sot tártibimen buzylǵan jaǵdaida sot sheshimi zańdy kúshine engen kúnnen bastap toqtatylǵan bolyp esepteledi.
Osyǵan bailanysty ministrlik azamattardy áleýmettik jelidegi kúmándi habarlamalarǵa senbeýge shaqyrdy.
«Kórsetilgen siltemelerge ótpei, derbes derekterdi bógde adamdarǵa usynbańyzdar. Durys ári naqty aqparat alý úshin resmi derekkózderge júginińizder», – dep eskertti Ádilet ministrligi.
