Memleket basshysynyń tapsyrmasyn oryndaý maqsatynda QR Úkimeti janynan ekonomikany monopoliiasyzdandyrý jónindegi komissiia quryldy, dep habarlaidy "Ult aqparat" primeminister.kz-ke silteme jasap.
Komissiia quramyna sybailas jemqorlyqqa qarsy is-qimyl, qarjy monitoringi, básekelestikti qorǵaý jáne damytý agenttikteriniń birinshi basshylary, Úkimet músheleri, Bas prokýratýranyń jáne «Samuryq-Qazyna» AQ ókilderi kirdi. Komissiianyń mindeti – monopoliiasyzdandyrý boiynsha usynymdar ázirleý.
Atap aitqanda, komissiia jumysy sheńberinde telekommýnikatsiia, temirjol infraqurylymy, media aktivter jáne basqa salalardaǵy negizsiz jekeshelendirilgen nysandardy memleket menshigine berý máseleleri qaralatyn bolady.
Búgin komissiianyń alǵashqy otyrysy ótti, onda QR qarjy ministri E. Jamaýbaev, Bas prokýrordyń orynbasary B. Dembaev jáne t. b. baiandama jasady.
Alǵashqy otyrystyń qorytyndysy boiynsha Álihan Smaiylov Qarjy ministrligine ýákiletti memlekettik organdarmen jáne «Samuryq-Qazyna» AQ-men birlesip, bir apta ishinde Úkimetke negizsiz jekeshelendirilgen nysandardy memleket menshigine berý tetikteri boiynsha usynystar engizýdi tapsyrdy.
