Qazaqstandyqtar Aleksandr Nedovesov pen Andrei Golýbev juptyq synda Horvatiiadaǵy Split 2 chellendjer týrniriniń jartylai finalyna ótti, dep habarlaidy "Ult aqparat".
Qazaqstandyq jup shirek finalda chehiialyqtar Zdenek Kolar – Lýkash Rosolmen sheberlik baiqasty.
Nedovesov budan buryn Splittegi dál osyndai chellendjer jarysynyń jartylai finalynda qarsylastaryn tize búktirgen bolatyn.
Match bul joly da tartysty órbidi.
Birinshi partiiada chehiialyq jup basymdylyq kórsetti – 6:3.
Ekinshi sette qazaqstandyqtar dál osyndai eseppen qarymta qaiyra bildi.
Tai-breikte Nedovesov pen Golýbev jeńiske jetti – 10:8.
Báseke 1 saǵat 19 minýtqa sozyldy.
Qazaqstandyq jup finalǵa shyǵý úshin Polsha ókilderi Shimon Valkov – Ian Zelinskimen talasady. Qazaqstandyqtar budan buryn Splitte osy juppen finalda kezdesip, jeńiske jetken bolatyn.
Valkov – Zelinski shirek finalda horvatiialyqtar Dýje Aidýkovich – Fran Ninchevichti 6:0, 6:4 esebimen utty.
