Tanymal jýrnalist, prodiýser Láilá Sultanqyzy ushaqta densaýlyǵyna zaqym keltirip aldy, dep habarlaidy "Ult aqparat".
BAQ ókiliniń aitýynsha, oqiǵa Shymkentten Astanaǵa ushyp kele jatqanda bolǵan.
"Búgin keshki 21:50 shamasynda KC7326 reisimen Shymkentten Astanaǵa ushyp keldim. Ushaqtyń esigi ashylmai, turyp ketken janymdaǵy jolaýshynyń abaisyzdyǵynan betime ústińgi sórede turǵan aýyr (qatty) zat, otyrǵan maǵan qulap, kózimniń tusyn jyryp, qabaǵym jaryldy. Bul áýekompaniiasy qaýipsizdik sharasyn saqtamaǵandyqtan oryn alǵan jaǵdai. Bortserikter men áýekompaniianyń alǵashqy kómekke daiyn emes bolǵanyna qapa boldym! Ne aptechka, ne muz, ne sýyq zat, ne qan toqtatyn, ne salfetka joq", – dep ashýlandy media mamany.
Sonymen qatar jýrnalist áýe kompaniiasynyń ústinen aryz jazǵanyn málimdedi.
"Menińshe, ornymda bala, qart adam otyryp, basy jarylsa, qatty jaralansa, miy shaiqalsa, kóp qan ketse, jaǵdai qiyn bolar edi. Jaýapsyzdyq! Ár bortserik jolaýshy minip-túskenshe adam densaýlyǵyna jaýapty, alǵashqy kómek kórsetýge mindetti", – dep jazdy prodiýser.
