Prezident Qasym-Jomart Toqaev Qazaqstannyń 2020–2030 jyldarǵa arnalǵan syrtqy saiasat tujyrymdamasyna ózgeris engizetin jarlyqqa qol qoidy. Qujat 14 tamyzda kúshine engen, dep habarlaidy ult.kz.
Jańartylǵan nusqada Tuńǵysh Prezident – Elbasynyń syrtqy saiasattyń asa mańyzdy máseleleri boiynsha Qazaqstan halqyna, memlekettik organdar men laýazymdy tulǵalarǵa ómir boiy úndeý jasaý quqyǵyn qarastyrǵan norma alynyp tastaldy.
Buǵan deiin bul quqyq «Qazaqstan Respýblikasynyń Tuńǵysh Prezidenti – Elbasy týraly» konstitýtsiialyq zańǵa sáikes tujyrymdamada bekitilgen bolatyn.
Sonymen qatar qujatqa Quryltaidyń zań shyǵarý biligin júzege asyratyn joǵary ókildi organ ekeni týraly ereje engizildi.
Jańartylǵan tujyrymdamada Qazaqstannyń strategiialyq syrtqy saiasi maqsattarynyń biri retinde táýelsizdik pen egemendikti, aýmaqtyq tutastyqty nyǵaitý jáne eldiń syrtqy saiasi baǵytynyń derbestigin saqtaý belgilendi.
Jarlyq oǵan qol qoiylǵan kúnnen bastap, iaǵni 2026 jylǵy 14 tamyzdan bastap qoldanysqa engizildi.
