Foto: Turar Qazanǵapov ©/TENGRINEWS
Aýyl sharýashylyǵy ministri Erbol Qarashókeev Nazarbaevtyń jaqyndaryna tiesili jerler zańbuzýshylyq anyqtalǵan jaǵdaida memleketke qaitaryla ma degen suraqqa jaýap berdi, dep habarlaidy Sputnik Qazaqstan.
Ótken aptada Parlament "Tuńǵysh Prezident – Elbasy týraly" Konstitýtsiialyq zańnyń kúshin joiý týraly" Konstitýtsiialyq zańdy qabyldady. Oǵan sáikes, Nazarbaevtyń otbasy músheleri barlyq kepildikten aiyrylady.
Úkimet kýlýarynda jýrnalister Qarashókeevten "zań kúshine engennen keiin Nazarbaevtyń otbasy múshelerine tiesili jerler zańbuzýshylyq anyqtalsa, memleketke qaitaryla ma" dep surady.
"Qandai familiia bolmasyn, kim bolmasyn, bizge ol áser etpeidi. Biz barlyq jerdi tekseremiz. Jerdi tiimsiz paidalaný faktileri, jerdi zańbuzýshylyqpen berý faktileri anyqtalsa, árine, mindetti túrde ol jerdi tekserip, elge qaitaramyz", - dedi Qarashókeev.
Aita keteri, byltyr Aýyl sharýashylyǵy ministrligi byltyr 5 mln gektar jerdi memleketke qaitardy.
