Nursultan Nazarbaevtyń "Táýelsiz Qazaqstannyń negizin qalaýshy" mártebesi Konstitýtsiiaǵa engiziledi. Bul týraly konstitýtsiialyq reforma jónindegi jumys tobynyń múshesi, zań ǵylymdarynyń doktory Ermek Ábdirasylov aitty, dep habarlaidy Sputnik Qazaqstan.
"Qazaqstan Respýblikasynyń Tuńǵysh Prezidenti – táýelsiz Qazaqstannyń negizin qalaýshy. Osy mártebesi anyqtalatyn bolady. Onyń mańyzy zor, sebebi onyń sińirgen eńbegin, naqty bar faktilerdi bári biledi, barlyq álem kórip otyr. Sol mártebesi Konstitýtsiiada bekitiledi", - dedi Ábdirasylov ortalyq kommýnikatsiialar qyzmetinde ótken brifingte.
Onyń aitýynsha, Prezident Qasym-Jomart Toqaevtyń tapsyrmasy boiynsha konstitýtsiialyq túzetýlermen ainalysyp jatqan jumys toby osyndai sheshimge keldi.
"Jumys toby sol mártebesin Konstitýtsiianyń ózinde anyqtaý kerek degen qorytyndyǵa keldi. Osy normany naqtylaityn basqa zańdarǵa qaramai, Konstitýtsiianyń ózinde bekitý qajet", - dep atap kórsetti Ábdirasylov.
