Qazaqstannyń eks-prezidenti Nursultan Nazarbaevtyń beiresmi áieli retinde atalyp júrgen balet ártisi Ásel Qurmanbaevanyń sheshesi Gúlbaný Qurmanbaeva memleketten milliondaǵan teńgeniń tenderin alǵan. Nazarbaevtyń «enesi» ielik etetin «Teilor» dep atalatyn kompaniia memlekettik mekememen quny milliard teńgege jýyq úsh kelisimshart jasasqan. Bul týraly jýrnalist Miiat Káshibai telegram arnasyna jazdy, dep habarlady ulysmedia.kz saity.
NAZARBAEVTYŃ «ENESI» TENDERDI QANDAI TÁSILMEN ALDY?
«Teilor» JShS – 2016 jyly 13 sáýirde qurylǵan kompaniia. Bir aidan keiin, iaǵni, sol jylǵy mamyrda kompaniia 457 mln teńgege memtapsyrys alǵan. Tapsyrys berýshi – Qazaq Ulttyq horeografiia akademiiasy.
Kelisimshartqa sáikes, kompaniia akademiiaǵa túrli perde jetkizip berýge mindettelgen.
Bul tender tikelei bir kózden satyp alý tásili boiynsha ótken. Iaǵni, Hereografiia akademiiasy perde jetkizip beretin kompaniiany anyqtaý úshin ashyq konkýrs ótkizbegen, birden «Teilor» JShS-ny tańdap alǵan.
Negizi tender jeńimpazyn atalǵan tásil arqyly anyqtaý zańǵa qaishy emes. Biraq sarapshylar «bul tásil jemqorlyq qaterin arttyrady» dep esepteidi. Óitkeni tapsyrys berýshi mekeme ashyq konkýrs jariialamaidy. Ózine yńǵaily kompaniiany tańdap alyp, sonymen kelisimshart jasasady.
Ádette tapsyrys berýshi tikelei bir kózden satyp alý tásiline júgingende tájiribeli, óz salasynda ónimdi jumys atqaryp otyrǵan kompaniiaǵa basymdylyq beredi. Al Qazaq Ulttyq horeografiia akademiiasy quny 457 mln teńge bolatyn memtapsyrysty qurylǵanyna bir-aq ai bolǵan «Teilor» kompaniiasyna bergede qandai negizge súiengeni túsiniksiz.
«TEILORDYŃ» EKINShI TENDERI
Quryla sala 457 mln teńgeniń tapsyrysyn konkýrssyz alǵan «Teilor» kompaniiasynyń kezekti tenderi de kóp kúttirgen joq. Kompaniia 2016 jyldyń 30 maýsymynda taǵy da sol Qazaq Ulttyq horeografiia akademiiasymen kelisimshart jasasty. Bul jolǵy tenderdiń quny – 482 mln teńge.
Kelisimsharatqa sáikes, akademiia «Teilor» JShS-dan toqyma ónimderin satyp aldy.
Bul tenderde «Ótkizilmegen memlekettik satyp alý boiynsha bir kózden alý tásili» qoldanylǵan. Bastapqyda Horeografiia akdemiiasy toqyma ónimderin satyp alý úshin ashyq konkýrs jariialaǵan. Oǵan qatysýǵa túrli kompaniia ótinish bildiregen. Arasynda «Teilor» JShS-da bar. Biraq konkýrs kezinde komissiia Nazarbaevtyń enesiniń kompaniiasynan ózgeleriniń qujattarynan olqylyq taýyp, konkýrsqa qatystyrmai tastaǵan.
Ashyq konkýrsqa bir ǵana kompaniia («Teilor» JShS) qatysqan soń satyp alý ótkizilmedi dep eseptelgen. Memlekettik satyp alý týraly zańǵa sáikes, mundai jaǵdaida tapsyrys berýshi memekeme (Qazaq Ulttyq Horeografiia akademiiasy) ótkizilmegen memlekettik satyp alý boiynsha bir kózden alý tásili arqyly konkýrsqa qatystyrylǵan jalǵyz kompaniiamen («Teilor» JShS) kelisimshart jasasýǵa quqyly.
Osylaisha, «Teilor» kompaniiasy quny jarty milliardqa jýyq tenderdi de konkýrssyz aldy.
Akdemiia men «Teilor» JShS arasyndaǵy bailanys munymen úzilgen joq. 2016 jyldyń jeltoqsanynda akdemiia taǵy da Nazarbaevtyń enesiniń kompaniiasynan perde satyp aldy. Biraq bul jolǵy memtapsyrystyń quny aldyńǵy ekeýinen anaǵurlym tómen (2,5 mln teńge).
«TEILOR» JShS QANDAI KOMPANIIa?
Qazaqstannyń eks-prezidenti Nursultan Nazarbaevtyń ózinen 19 kishi (62 jasta) enesi Gúlbaný Qurmanbaeva «Teilor» kompaniiasyn 2016 jyly 13 sáýirde qurǵan. Kompaniia astananyń Almaty aýdanynda tirkelgen. Qurylǵan sátinen bastap basshysy ári jalǵyz quryltaishysy – Qurmanbaevanyń ózi. Kompaniia mamandandyrylǵan dúkenderde toqyma ónimderin satýmen ainalysady.
«Teilordyń» qazirge deiin qazynaǵa quiǵan salyq mólsherine qarap, eń tabysty kezi 2016 jyl ekenin ańǵarýǵa bolady. Calyq komitetiniń málimetinshe, memleketten milliardqa jýyq teńgeniń tenderin konkýrssyz alǵan jyly «Teilor» JShS 107 mln teńge salyq tólegen. Al bir jyldan keiin kompaniianyń salyǵy birden 21 esege azaiǵan (5 mln teńge). Odan keiingi 4 jylda «Teilor» JShS tólegen salyq mólsheri 2 mln teńgege de jetken emes.
