© Sputnik / Vladislav Vodnev
Nazarbaevtar otbasynyń sheteldegi aqshasy elden zańsyz shyǵarylǵany dáleldense, ol qarjy Qazaqstanǵa qaitarylady. Bul týraly Májilis spikeri Erlan Qoshanov málimdedi, dep habarlaidy Sputnik Qazaqstan.
Májilis kýlýarynda jýrnalister Qoshanovtan "qylmystyq jolmen alynǵan kiristerdi zańdastyrýǵa qarsy is-qimyl máseleleri týraly zań qabyldanǵannan keiin, Tuńǵysh Prezident Nursultan Nazarbaev pen onyń otbasynyń sheteldegi dúnie-múlkisi elge qaitaryla ma?" dep surady.
"Qazaqstanda, ózderińiz kórip otyrsyz, ásirese sońǵy kezderi zań aldynda barlyq azamattar birdei. Zań bárine ortaq. Sondyqtan eger aqsha zańsyz shyǵarylsa, qandai azamat bolsa da zań aldynda jaýap beredi. Ol týysqan ba, týys emes pe, laýazymdy qyzmetker me, onyń bári zańnyń aldynda jaýap beredi jáne zańsyz shyǵarylǵan qarjynyń bári qaitarylady. Biraq, qaitalap aitamyn, onyń óziniń joldary bar, bul óte kúrdeli jumys", - dedi Qoshanov.
Spiker jýyrda Prezident jarlyǵymen shetelge zańsyz shyǵarylǵan aqshany qaitarý boiynsha komissiia qurylǵanyn eske saldy. Ol tek Prezidentke baǵynady jáne oǵan esep beredi.
"Sol sebepti komissiianyń jumysyn kútý kerek. Árine, ol shetelge ketken aqshany qaitarý ońai jumys emes. Sebebi Qazaqstanda da, shet elde de aqshanyń zańsyz jolmen alynǵany dáleldenýi kerek", - dedi Májilis tóraǵasy.
Aita keteri, búgin Májilis Qylmystyq jolmen alynǵan kiristerdi zańdastyrýǵa (jylystatýǵa) jáne terrorizmdi qarjylandyrýǵa qarsy is-qimyl máseleleri týraly zań jobasyn ekinshi oqylymda maquldady.
8 maýsymda Prezident Qasym-Jomart Toqaevtyń ekonomikalyq resýrstardy zańsyz shoǵyrlandyrýǵa qarsy is-qimyl máseleleri jónindegi vedomstvoaralyq komissiia (VAK) qurý týraly jarlyǵy jariialandy. Komissiia elden zańsyz shyǵarylǵan aqshany Qazaqstanǵa qaitarýmen ainalysady.
Sondai-aq zańsyz jolmen alynǵan ekonomikalyq resýrstardyń monopoliialyq (oligopoliialyq) shoǵyrlanýyn anyqtaidy.
