© Sputnik / ۆلاديسلاۆ ۆودنەۆ
نازارباەۆتار وتباسىنىڭ شەتەلدەگٸ اقشاسى ەلدەن زاڭسىز شىعارىلعانى دەلەلدەنسە, ول قارجى قازاقستانعا قايتارىلادى. بۇل تۋرالى مەجٸلٸس سپيكەرٸ ەرلان قوشانوۆ مەلٸمدەدٸ, دەپ حابارلايدى Sputnik قازاقستان.
مەجٸلٸس كۋلۋارىندا جۋرناليستەر قوشانوۆتان "قىلمىستىق جولمەن الىنعان كٸرٸستەردٸ زاڭداستىرۋعا قارسى ٸس-قيمىل مەسەلەلەرٸ تۋرالى زاڭ قابىلدانعاننان كەيٸن, تۇڭعىش پرەزيدەنت نۇرسۇلتان نازارباەۆ پەن ونىڭ وتباسىنىڭ شەتەلدەگٸ دٷنيە-مٷلكٸسٸ ەلگە قايتارىلا ما?" دەپ سۇرادى.
"قازاقستاندا, ٶزدەرٸڭٸز كٶرٸپ وتىرسىز, ەسٸرەسە سوڭعى كەزدەرٸ زاڭ الدىندا بارلىق ازاماتتار بٸردەي. زاڭ بەرٸنە ورتاق. سوندىقتان ەگەر اقشا زاڭسىز شىعارىلسا, قانداي ازامات بولسا دا زاڭ الدىندا جاۋاپ بەرەدٸ. ول تۋىسقان با, تۋىس ەمەس پە, لاۋازىمدى قىزمەتكەر مە, ونىڭ بەرٸ زاڭنىڭ الدىندا جاۋاپ بەرەدٸ جەنە زاڭسىز شىعارىلعان قارجىنىڭ بەرٸ قايتارىلادى. بٸراق, قايتالاپ ايتامىن, ونىڭ ٶزٸنٸڭ جولدارى بار, بۇل ٶتە كٷردەلٸ جۇمىس", - دەدٸ قوشانوۆ.
سپيكەر جۋىردا پرەزيدەنت جارلىعىمەن شەتەلگە زاڭسىز شىعارىلعان اقشانى قايتارۋ بويىنشا كوميسسييا قۇرىلعانىن ەسكە سالدى. ول تەك پرەزيدەنتكە باعىنادى جەنە وعان ەسەپ بەرەدٸ.
"سول سەبەپتٸ كوميسسييانىڭ جۇمىسىن كٷتۋ كەرەك. ەرينە, ول شەتەلگە كەتكەن اقشانى قايتارۋ وڭاي جۇمىس ەمەس. سەبەبٸ قازاقستاندا دا, شەت ەلدە دە اقشانىڭ زاڭسىز جولمەن الىنعانى دەلەلدەنۋٸ كەرەك", - دەدٸ مەجٸلٸس تٶراعاسى.
ايتا كەتەرٸ, بٷگٸن مەجٸلٸس قىلمىستىق جولمەن الىنعان كٸرٸستەردٸ زاڭداستىرۋعا (جىلىستاتۋعا) جەنە تەرروريزمدٸ قارجىلاندىرۋعا قارسى ٸس-قيمىل مەسەلەلەرٸ تۋرالى زاڭ جوباسىن ەكٸنشٸ وقىلىمدا ماقۇلدادى.
8 ماۋسىمدا پرەزيدەنت قاسىم-جومارت توقاەۆتىڭ ەكونوميكالىق رەسۋرستاردى زاڭسىز شوعىرلاندىرۋعا قارسى ٸس-قيمىل مەسەلەلەرٸ جٶنٸندەگٸ ۆەدومستۆوارالىق كوميسسييا (ۆاك) قۇرۋ تۋرالى جارلىعى جارييالاندى. كوميسسييا ەلدەن زاڭسىز شىعارىلعان اقشانى قازاقستانعا قايتارۋمەن اينالىسادى.
سونداي-اق زاڭسىز جولمەن الىنعان ەكونوميكالىق رەسۋرستاردىڭ مونوپولييالىق (وليگوپولييالىق) شوعىرلانۋىن انىقتايدى.
