Foto: parlam.kz
Parlament palatalarynyń birlesken otyrysynda depýtattar "Qazaqstan Respýblikasynyń Tuńǵysh Prezidenti - Elbasy týraly" Konstitýtsiialyq zańnyń kúshi joiyldy dep taný týraly" Konstitýtsiialyq zań jobasyn eki oqylymda qarap, qoldap daýys berdi, dep habarlaidy Sputnik Qazaqstan.
Májilis depýtaty Erlan Saiyrov byltyr búkilhalyqtyq referendým nátijesinde elimizde jańa Konstitýtsiia qabyldanǵanyn eske saldy. Jańa Konstitýtsiiany jaqtap Qazaqstan halqynyń 77%-i daýys bergen edi.
Konstitýtsiiaǵa engizilgen ózgertýlerge sáikes Qazaqstan Respýblikasy Tuńǵysh Prezidenti – Elbasynyń mártebesi men ókilettigi Respýblika Konstitýtsiiasymen jáne konstitýtsiialyq zańmen aiqyndalady degen normany kózdeitin Konstitýtsiianyń 46-baby 4-tarmaǵy alynyp tastaldy.
"Qazaqstannyń demokratiia men pliýralizmge bet alyp, tereń saiasi transformatsiia jasaý kezeńinde, jeke toptardyń bilikti menshikteýge jeteleitin qandai da bir tetikterge jol bermeý mańyzdy. Sondyqtan májilistiń bir top depýtaty halyqtyń basym kópshiliginiń suranysyn eskere otyryp, atalǵan zań jobasyn usyndy", - dep túsindirdi Saiyrov Senat pen Májilistiń birlesken otyrysynda.
"Jańa Qazaqstan" depýtattyq toby Elbasy týraly zańnyń kúshin joiý máselesine qatysty Konstitýtsiialyq sotqa júgingen. Konstitýtsiialyq sot bul zańnyń elimizdiń jańa Ata zańyna sáikes kelmeitindigi jóninde sheshim shyǵardy.
"Qazaqstannyń qoǵamdyq protsesinde saiasi institýttarǵa monopoliia qurý áreketteri, ómir kórsetkendei, elde saiasi qundylyqtardy devalvatsiialap, memleket damýyna keri áser tigizýge qabiletti. Sondyqtan mundai olqylyqtarǵa bolashaqta qoǵamdyq-saiasi immýnitet qalyptastyrý óte mańyzdy! Joǵaryda aitylǵandy basshylyqqa alyp, saiasi - quqyqtyq negiz joq ekenin eskere otyryp, "Qazaqstan Respýblikasynyń Birinshi Prezidenti - Elbasy statýsy" jónindegi Konstitýtsiialyq zańnyń kúshin joiý jónindegi Konstitýtsiialyq zań jobasy usynylady", - dedi depýtat.
Onyń aitýynsha, bul qadam elimizde Ata zańymyzdyń normalaryn qatań saqtaýǵa, saiasi institýttardy bóten protektsiialyq kúshterden saqtandyrýǵa baǵyttalǵan saiasi – quqyqtyq akt.
Konstitýtsiialyq zańnyń qabyldanýy teris quqyqtyq jáne áleýmettik-ekonomikalyq saldarǵa ákelmeidi, biýdjetten qosymsha qarjy talap etpeidi.
Parlament depýtattary "Qazaqstan Respýblikasynyń Tuńǵysh Prezidenti - Elbasy týraly" Konstitýtsiialyq zańnyń kúshi joiyldy dep taný týraly" Konstitýtsiialyq zańdy qabyldady.
