Parlament májilisine qańtar aiynyń sońynda "Qazaqstan Respýblikasynyń Qaýipsizdik Keńesi týraly" zań jobasy kelip tústi, dep habarlaidy "Ult aqparat" sputniknews.kz agenttigine silteme jasap.
Prezident Nursultan Nazarbaevqa Qazaqstannyń qaýipsizdik keńesine ómir boiy tóraǵalyq etý quqyǵyn berý usynylyp otyr. Parlamentke kelip túsken "Qazaqstan Respýblikasynyń Qaýipsizdik Keńesi týraly" zań jobasynda osyndai norma qarastyrylǵan.
"Qazaqstan Respýblikasynyń Tuńǵysh Prezidenti – Elbasynyń Qaýipsizdik Keńesin ómir boiy basqarý quqyǵy bar", — dep jazylǵan "Qaýipsizdik keńesiniń quramy men qyzmetin uiymdastyrý"dep atalǵan taraýdyń 4-babynyń 2-tarmaqshasynda.
Aita ketsek, zań jobasy Qazaqstannyń Qaýipsizdik Keńesiniń quqyqtyq mártebesi men quzyryn anyqtaidy jáne keńes qyzmetin uiymdastyrý tártibin retteidi. Zań jobasy májiliske 24 qańtarda kelip túsken, qujat májilistiń saitynda jariialanǵan.
Qaýipsizdik Keńesi 1991 jyly qorǵanys qabileti men ulttyq qaýipsizdigin qamtamasyz etý, memlekettik egemendigin, táýelsizdigi men aýmaqtyq tutastyǵyn saqtaý, eldegi áleýmettik-saiasi turaqtylyqty ustap turý, azamattardyń konstitýtsiialyq quqyqtary men bostandyqtaryn qorǵaý jónindegi prezident quratyn konsýltativtik-keńesshi organ bolyp quryldy.
Nursultan Nazarbaev - Qazaqstan Qaýipsizdik Keńesiniń tóraǵasy.
