Parlament Senatynyń tóraǵasy Dariǵa Nazarbaeva tótenshe jaǵdai kezinde Memleket basshysynyń shaǵyn jáne orta biznesti qoldaý boiynsha tapsyrmalarynń bárin naqty ári tiimdi túrde júzege asyrý mańyzdy ekenin málim etti, dep habarlaidy QazAqparat.
«Ókinishke qarai sol mindetterdiń jergilikti jerde oryndalýy – óte kóp suraqty týyndatyp jatyr. Qazir sondai jaǵdailar men biýrokratiialyq formalizm báriniń aýzynda júr. Olardyń bári óz baǵasyn ala jatar. Ásirese tsifrlandyrýǵa erekshe toqtala ketkim keledi. Naǵyz syn kezinde memlekettik aqparattyq resýrstar men elektrondy qyzmetterde problemalar qordalanyp turǵany kórindi. Bul degenińiz daǵdarys betin ashyp tastaǵan problemalardy eskere otyryp «Tsifrly Qazaqstan» baǵdarlamasy shuǵyl túrde qaita qaraýdy talap etetinin bildiredi», - dedi Dariǵa Nazarbaeva onlain rejimdegi Senat otyrysynda.
Senat tóraǵasy bul máseleni depýtattar birneshe márte kótergenin, biýrokratiianyń tsifrlandyrý isine múddeli emestigin aitqanyn eske saldy.
