Búgin Dariǵa Nazarbaeva depýtattar arasynda jasyryn daýys berý jolymen Senat spikeri bolyp sailandy. Daýys berýge qatysqan 44 depýtattyń barlyǵy Nazarbaevanyń kandidatýrasyn biraýyzdan qoldady, dep habarlaidy "Ult aqparat".
Óz kezeginde, ol Senat depýtattary men qazaqstandyqtarǵa ózine senim bildirgeni úshin rizashylyǵyn aitty.
"Qurmetti Qasym-Jomart Toqaev, áriptester, qymbatty qazaqstandyqtar! Eń aldymen, shyn júregimmen maǵan senim artqanyńyz úshin rizashylyǵymdy bildirgim keledi. Tarihi betburysty sátte men el ómirinde Parlamenttiń rólin óte jaqsy túsinemin. Bar bilimim men biligimdi elimizdiń damýyna jumsaitynymyna sendirgim keledi. Bizdiń Elbasy qoǵamdy jańǵyrtý boiynsha aýqymdy mindetter qoidy", - dedi Nazarbaeva senat spikeri bolyp sailanǵannan keiin.
