بٷگٸن داريعا نازارباەۆا دەپۋتاتتار اراسىندا جاسىرىن داۋىس بەرۋ جولىمەن سەنات سپيكەرٸ بولىپ سايلاندى. داۋىس بەرۋگە قاتىسقان 44 دەپۋتاتتىڭ بارلىعى نازارباەۆانىڭ كانديداتۋراسىن بٸراۋىزدان قولدادى, دەپ حابارلايدى "ۇلت اقپارات".
ٶز كەزەگٸندە, ول سەنات دەپۋتاتتارى مەن قازاقستاندىقتارعا ٶزٸنە سەنٸم بٸلدٸرگەنٸ ٷشٸن ريزاشىلىعىن ايتتى.
"قۇرمەتتٸ قاسىم-جومارت توقاەۆ, ەرٸپتەستەر, قىمباتتى قازاقستاندىقتار! ەڭ الدىمەن, شىن جٷرەگٸممەن ماعان سەنٸم ارتقانىڭىز ٷشٸن ريزاشىلىعىمدى بٸلدٸرگٸم كەلەدٸ. تاريحي بەتبۇرىستى سەتتە مەن ەل ٶمٸرٸندە پارلامەنتتٸڭ رٶلٸن ٶتە جاقسى تٷسٸنەمٸن. بار بٸلٸمٸم مەن بٸلٸگٸمدٸ ەلٸمٸزدٸڭ دامۋىنا جۇمسايتىنىمىنا سەندٸرگٸم كەلەدٸ. بٸزدٸڭ ەلباسى قوعامدى جاڭعىرتۋ بويىنشا اۋقىمدى مٸندەتتەر قويدى", - دەدٸ نازارباەۆا سەنات سپيكەرٸ بولىپ سايلانعاننان كەيٸن.
