Foto: «Nazarbaev Ziiatkerlik mektepteri» DBBU baspasóz qyzmeti
Ánýar Janǵozin «Nazarbaev Ziiatkerlik mektepteri» DBBU basqarma tóraǵasy bolyp taǵaiyndaldy, dep habarlaidy "Ult aqparat" uiymnyń baspasóz qyzmetine silteme jasap.
«Búgin elordada «Nazarbaev Ziiatkerlik mektepteri» derbes bilim berý uiymy Qamqorshylyq keńesiniń tóraǵasy Shigeo Katsý keńes sheshimimen Ánýar Janǵozin basqarma tóraǵasy bolyp taǵaiyndalǵanyn habarlady.
Shigeo Katsý Kúlásh Shámshidinovaǵa búginde álemge joǵary standarttarymen tanylyp, Qazaqstandy jahandyq bilim berý keńistigine integratsiialaǵan Nazarbaev Ziiatkerlik mektepteri júiesin qurýdaǵy jetistigi úshin alǵysyn bildirdi.
Kúlásh Shámshidinova óz sózinde NIS-tiń barlyq jetistigine komandalyq jumys pen kásibi ujymnyń arqasynda qol jetkizilgenin atap ótti» - delingen habarlamada.
Ánýar Janǵozin Máskeý memlekettik ýniversitetiniń matematika fakýltetin, Nazarbaev Ýniversitetiniń Kembridj ýniversitetimen birlese iske asyrylǵan «Bilim berýdegi kóshbasshylyq» baǵdarlamasy boiynsha magistratýrasyn aiaqtaǵan.
2008 jyldan bastap «Nazarbaev Ziiatkerlik mektepteri» DBBU júiesinde menedjer, aǵa menedjer, departament direktorynyń orynbasary, muǵalim, Astanadaǵy NIS IB direktory qyzmetin atqarǵan.
2016-2019 jyldary Astana qalasynyń bilim basqarmasy basshysynyń orynbasary jáne basqarma basshysy bolyp jumys istegen.
2022-2023 jyldary «Bolashaq» Halyqaralyq baǵdarlamalar ortalyǵynyń basqarma tóraǵasy bolǵan.
Janǵozin álemdik deńgeide aty shyqqan Ziiatkerlik mektepterdi basqarý ol úshin úlken qurmet pen jaýapkershilik ekenin atap ótti.
