Qytaidaǵy Tszinanda Nazarbaev Ziiatkerlik mektepterine 2019 jyldyń IýNESKO Wenhui Award syiaqysy tabystaldy. Bul Ziiatkerlik mektepterdiń úlken ári kásibi ujymy úshin ǵana emes, sonymen qatar búkil ulttyq bilim berý júiesi úshin de mańyzdy oqiǵa. NIS bilim salasyndaǵy IýNESKO syilyǵyna ie bolǵan Qazaqstannyń alǵashqy ókili boldy, – dep habarlaidy «Ult aqparat».
Atalǵan oqý ornynyń baspasóz qzymetiniń habarlaýynsha, diplommen men usynylǵan jobany damytýǵa arnalǵan 20 myń dollar «Nazarbaev Ziiatkerlik mektepteri» DBBU tóraiymy Kúlásh Shámshidinovaǵa tapsyryldy.
Wenhui Award «Bilim berý – 2030» kún tártibin ilgeriletý úshin ýniversitet pen mektep arasyndaǵy seriktestikti damytýǵa baǵyttalǵan. 2019 jyldyń finaldyq kezeńinde Avstraliia, Qytai, Malaiziia jáne Shri-Lankanyń úzdik ýniversitetteri bolǵan.
IýNESKO-nyń syilyǵy sapaly bilim men ómir boiy bilim alýǵa yqpal etetin joǵary oqý oryndary men mektepter arasyndaǵy sátti seriktestik úshin – balalar men jastardy ómirge, jumysqa jáne dúniejúzilik jahandyq azamattyqqa daiyndaǵan qazaqstannyń innovatsiialyq mektepterine berildi.
Bedeldi marapatqa ie bolý týraly qazan aiynda «Nazarbaev Ziiatkerlik mektepteri» DBBU «Mektep álemin ózgertetin ustazdar» XI halyqaralyq ǵylymi-praktikalyq konferentsiiasynda jariialandy. Quttyqtaý hatynda Almatydaǵy IýNESKO-nyń klasterlik keńsesiniń direktory Krista Pikkat atap ótti.
Qazaqstan, Qyrǵyzstan, Tájikistan jáne Ózbekstan boiynsha IýNESKO-nyń klasterlik biýrosynyń atynan ózimniń «Nazarbaev Ziiatkerlik mektepteri» derbes bilim berý uiymyna degen asa qurmetimdi bildirip, asqan qýanyshpen, «Nazarbaev Ziiatkerlik mektepteri» DBBU joǵary oqý oryndary men mektepter arasyndaǵy yntymaqtastyq salasyndaǵy úzdik oqý oryndarynyń biri retinde tanyldy.
Alǵashqylardyń biri bolyp NIS-ti jańa tabysymen 2011 jyldan bastap Qazaqstannyń innovatsiialyq mektepteriniń seriktesi bolyp tabylatyn Kembridj ýniversiteti quttyqtady. Kembridj ýniversiteti bilim berý mektebiniń resmi saitynda: «Áriptestik fakýlteti mektebi bilim berý innovatsiiasynyń marapatyn aldy «Bilim berýdegi innovatsiialar» degen aqparat jariialanǵan.
– NZM salmaqty baiqaýda jeńiske jetip, «mektepter men stýdentter arasyndaǵy seriktestik» baǵytyn sátti qurǵany úshin marapat aldy. Qurylǵan kúnnen bastap, NZM ulttyq jáne halyqaralyq ýniversitettermen birge túlekterge qoldaý kórsetý jáne olardyń jetistikterin taný maqsatynda yntymaqtastyq ornatty. Nazarbaev Ziiatkerlik mektepterin fantastikalyq jetistigi men osy marapatqa ie bolýymen quttyqtaimyz.
Búginde Nazarbaev Ziiatkerlik mektepteri qazaqstannyń úzdik ýniversitetterimen seriktestik qarym-qatynasta: Nazarbaev Ýniversiteti, Qazaq-Britan tehnikalyq ýniversiteti, ál-Farabi atyndaǵy Qazaq ulttyq ýniversiteti, KIMEP, Sátpaev ýniversiteti, Halyqaralyq aqparattyq tehnologiialar ýniversiteti, Almaty Menedjment ýniversiteti, Narhoz ýniversiteti «Biznesti ákimshiliktendirý bakalavry» mamandyǵy boiynsha, Súleimen Demirel atyndaǵy ýniversiteti jáne taǵy basqalary.
Búgingi tańda NIS-programme oqý baǵdarlamasy men NZM 12-synyp sertifikatyn birqatar halyqaralyq uiymdar moiyndady: Ulybritaniianyń bilim kýáligin taný jónindegi ulttyq aqparat ortalyǵy (UK NARIC), Gollandiianyń bilim berýdi internatsionaldandyrý boiynsha uiymy (NUFFIC), Germaniia federaldy jerleriniń jáne bilim ministrleriniń turaqty konferentsiiasynyń keńesi jáne Shveitsariiadaǵy qonaqúi menedjmenti salasyndaǵy provaideri Swiss Education Group.
NIS-programme oqý baǵdarlamasy men Sertifikatty sheteldik joǵary oqý oryndary moiyndady: Kembridj Ýniversiteti, Bornmýt ýniversiteti, Glazgo Kaledoniia ýniversiteti, Gonkong qalalyq ýniversiteti (QHR), Gonkong politehnikalyq ýniversiteti, Pýsan ulttyq ýniversiteti, Ionsei ýniversiteti (Ońtústik Koreia), Monash ýniversiteti (Avstraliia), olar NZM túlekterin joǵary oqý ornyna deiingi kýrsty ótpei-aq bakalavriat baǵdarlamalaryna qabyldaidy.
