Nazarbaev Ziiatkerlik mektepteri UNESCO «Wenhui Award-2019» syilyǵyn ielendi, dep habarlaidy "Ult aqparat".
Baspasóz qyzmetiniń habarlaýynsha, «Nazarbaev Ziiatkerlik mektepteri» derbes bilim berý uiymynyń tóraiymy Kúlásh Shámshidinovaǵa Almatydaǵy klasterlik biýro direktory Krista Pikattyń qoly qoiylǵan quttyqtaý haty kelgen.
«Qazaqstan, Qyrǵyzstan, Tájikistan jáne Ózbekstan boiynsha UNESCO-nyń klasterlik biýrosynyń atynan «Nazarbaev Ziiatkerlik mektepteri» derbes bilim berý uiymyna degen qurmetimdi bildiremin. Sondai-aq, asqan qýanyshpen Sizderdiń uiymdaryńyz «UNESCO Wenhui Award-2019» syilyǵyn jeńip alǵanyn habarlaimyn», – delingen Krista Pikattyń hatynda.
NIS - UNESCO-nyń bilim salasyndaǵy syiaqysyn ielengen Qazaqstannyń birinshi ókili. Wenhui Award ýniversitet pen mektep arasyndaǵy «Bilim–2030» jobasyn ilgeriletý jolyndaǵy seriktestikti damytýǵa baǵyttalǵan.
«UNESCO syilyǵy qazaqstandyq innovatsiialyq mektepterge sapaly bilim men ómir boiy bilim alýǵa yqpaldasatyn ýniversitetter men mektepter arasyndaǵy tabysty seriktestik úshin, balalar men jastardy ómirge, jumysqa jáne jahandyq azamattyqqa beiimdeý jolyndaǵy eńbek úshin beriledi. Finaldyq kezeń nominanttarynyń ishinde Avstraliia, Qytai, Malaiziia jáne Shri-Lanka elderiniń bedeldi ýniversitteri boldy» delingen baspasóz baianynda.
