نازارباەۆ زيياتكەرلٸك مەكتەپتەرٸ UNESCO «Wenhui Award-2019» سىيلىعىن يەلەندٸ, دەپ حابارلايدى "ۇلت اقپارات".
باسپاسٶز قىزمەتٸنٸڭ حابارلاۋىنشا, «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمىنىڭ تٶرايىمى كٷلەش شەمشيدينوۆاعا الماتىداعى كلاستەرلٸك بيۋرو ديرەكتورى كريستا پيكاتتىڭ قولى قويىلعان قۇتتىقتاۋ حاتى كەلگەن.
«قازاقستان, قىرعىزستان, تەجٸكٸستان جەنە ٶزبەكستان بويىنشا UNESCO-نىڭ كلاستەرلٸك بيۋروسىنىڭ اتىنان «نازارباەۆ زيياتكەرلٸك مەكتەپتەرٸ» دەربەس بٸلٸم بەرۋ ۇيىمىنا دەگەن قۇرمەتٸمدٸ بٸلدٸرەمٸن. سونداي-اق, اسقان قۋانىشپەن سٸزدەردٸڭ ۇيىمدارىڭىز «UNESCO Wenhui Award-2019» سىيلىعىن جەڭٸپ العانىن حابارلايمىن», – دەلٸنگەن كريستا پيكاتتىڭ حاتىندا.
NIS - UNESCO-نىڭ بٸلٸم سالاسىنداعى سىياقىسىن يەلەنگەن قازاقستاننىڭ بٸرٸنشٸ ٶكٸلٸ. Wenhui Award ۋنيۆەرسيتەت پەن مەكتەپ اراسىنداعى «بٸلٸم–2030» جوباسىن ٸلگەرٸلەتۋ جولىنداعى سەرٸكتەستٸكتٸ دامىتۋعا باعىتتالعان.
«UNESCO سىيلىعى قازاقستاندىق يننوۆاتسييالىق مەكتەپتەرگە ساپالى بٸلٸم مەن ٶمٸر بويى بٸلٸم الۋعا ىقپالداساتىن ۋنيۆەرسيتەتتەر مەن مەكتەپتەر اراسىنداعى تابىستى سەرٸكتەستٸك ٷشٸن, بالالار مەن جاستاردى ٶمٸرگە, جۇمىسقا جەنە جاھاندىق ازاماتتىققا بەيٸمدەۋ جولىنداعى ەڭبەك ٷشٸن بەرٸلەدٸ. فينالدىق كەزەڭ نومينانتتارىنىڭ ٸشٸندە اۆسترالييا, قىتاي, مالايزييا جەنە شري-لانكا ەلدەرٸنٸڭ بەدەلدٸ ۋنيۆەرسيتتەرٸ بولدى» دەلٸنگەن باسپاسٶز بايانىندا.
